Language:
SEARCH
  • Onlangse bydraes

  • Kategorieë

  • Argiewe

internet

Wat is TENET?

Woensdag, April 3rd, 2019

Op 19 Maart het ons kampus amper tot stilstand gekom toe ons diensverskaffer, TENET, probleme ondervind het weens ʼn kragonderbreking. Die probleem is veroorsaak deur ʼn foutiewe kragopwekker by die Universiteit van Kaapstad. Studente en personeel wou weet hoekom dit ons internet beïnvloed het.

Wat is TENET?

“TENET” is die afkorting vir die Tertiary Education and Research Network of South Africa NPC. Sy hoofdoel is om Internet en Informasietegnologiedienste te bewerkstelling wat tot voordeel strek van Suid-Afrikaanse universiteite en geaffilieerde navorsings en ondersteuningsinstansies. Alle openbare universiteite en wetenskaplike rade kwalifiseer om lid van TENET-lede te wees. 

Tans verskaf TENET Internet en verwante dienste aan meer as 385 kampusse en kleiner instellings. 

Die kern van die NREN-netwerk wat deur TENET bedryf word is die South African National Research Network (“SANReN”) en is die afgelope tien jaar ontplooi deur die Meraka Instituut van die WNNR onder kontrak van die Departement van Wetenskap en Tegnologie. SANReN bestaan uit ʼn nasionale gemeenskaplike dienskanaal, veelvoudige stedelike ringnetwerke en uitgebreide langafstand koppelings om belangrike navorsingsinrigtings te bereik. (Meer detail oor die stedelike ringnetwerk en meer spesifiek die Kaapstad stedelike ringnetwerk)

Vir internasionale verbindings gebruik TENET verskeie ondersee-kabelverbindings:

60 Gb/s op die SEACOM ondersee-kabel wat eindig by die SEACOM landingstasie by Mtunzini (verleng na die oorvloei-dienskanaal in Durban) en ʼn TENET roeteerder in Amsterdam; en

50 Gb/s op die WACS ondersee-kabel wat eindig by die SANReN dienskanaalnodus in Kaapstad en TENET se roeteerder by Telecity in Londen.

As jy geïnteresseerd is in die groter prentjie en wil weet hoe Suid-Afrika se Internet werk, MyBroadband het ʼn handige den gedetailleerde uiteensetting.

[BRON: www.tenet. ac.za]

Hoë Inetkeykostes? Dìs hoekom.

Maandag, April 9th, 2018

Af en toe kry ons navrae oor skynbare hoë Inetkey-rekeninge, veral van studente. Die oorsake is gewoonlik voor-die-hand-liggend en kan maklik vermy word. 

Sonder om na jou internetrekords te kyk, is dit baie moeilik om vas te stel wat die rede of bron van ‘n hoë internetrekening is. Jou eerste stap is om, voordat jy ons kontak oor jou internetverbruik, eers na jou rekords te kyk by http://www.sun.ac.za/useradm deur die [View Internet Usage] opsie te gebruik en onder “View Type” “Source” te kies en dan USER om die inligting op te dateer. Let op die IP-adresse en gaan na dat dit wel jou eie toestelle is. Sodoende kan jy alreeds ʼn beter idee kry watter toestel die internetverkeer genereer en watter tye van die dag. 

Hou in gedagte dat Universiteit Stellenbosch keer-op-keer deur MyBroadband aangewys is as instansie met die vinnigste internet in Suid-Afrika. Huidige toetse wys dat die aflaaispoed 95.29 MB per sekonde is. Gevolglik kan jy baie vinnig, baie data aflaai sonder dat jy dit besef en binne minute jou internetrekening opjaag. 

Die volgende is maar ʼn paar moontlike oorsake vir hoë internetgebruik: 

  • Windows 10 opdaterings wat nie maklik afgesit kan word nie. Indien jou rekenaar egter aan die US-netwerk verbind en opgestel is om opdaterings van IT se WSUS-bediener af te laai, sal die opdaterings plaaslik afgelaai word en die koste nie vanaf jou Inetkeyrekening gehef word nie.
  • Opdaterings wat ophou, weer begin of nie volledig aflaai nie. Windows 10 1709 Creative Update is byvoorbeeld net-net onder 4Gb.
  • Inetkey wat oopgelos word op ʼn toestel sonder toesig gedurende klasse of deur die nag.
  • Videostroom-webwerwe wat nie op die vuurmuur se oopgestelde lys is nie. Deur ʼn HD-fliek te stroom gedurende die dag en aand kan 3Gb se data per uur verbruik.
  • Gebruik van ʼn skootrekenaar as `n wifi hotspot vir ʼn selfoon met die doel om datakostes te spaar. 
  • Gebruik van lêerdeel protokolle soos BitTorrent. Onthou dat beide op en aflaai verkeer genereer. As jy BitTorrent gebruik, seed jy ook jou eie lêers en betaal jy selfs as iemand anders jou lêers aflaai.
  • Sinchronisasie van lêers na DropBox.
  • Swak wagwoorde sodat bure en vriende in die nabye omgewing internet kan deel.
  • Vriende of wederhelftes aan wie wagwoorde gegee word en dit later misbruik. 
  • Virusse of malware wat gemorspos en meer verkeer genereer.  Dikwels veroorsaak blootgestelde e-posrekeninge hoë internetgebruik, omdat Inetkey en e-pos wagwoorde deel. 
  • Inetkey-rekeninge wat op veelvuldige toestelle gebruik word. 

Indien geen van hierdie redes die oorsaak blyk te wees van jou hoë Inetkeyrekening nie, kan jy vir Informasietegnologie vra om jou internetgebruik na te gaan om vas te stel of daar iets onreëlmatig is. Stuur binne 14 dae ʼn versoek na helpinfo@sun.ac.za. Die koste per navraag is R200.00, maar indien daar `n fout gekry word, word hierdie fooi nie gehef nie. 

[Inligting verskaf deur David Wiles]

Van teer-hennep en Indiese rubber tot optiese vesel

Vrydag, November 20th, 2015

Die internet het sy opwagting gemaak in die laat 1980s en vroeë 90s. Die infrastruktuur wat dit ondersteun is egter al sedert 1839 beskikbaar.

Vandag word ons internetverkeer hoofsaaklik gefasiliteer deur ondersese kabelstelsels vanaf Europa en Amerika.

ʼn Ondersese kommunikasiekabel word op die seevloer tussen stasies op land gelê, met die doel om telekommunikasie seine oor gedeeltes van die oseaan stuur. Voor die internet is hierdie kabels gebruik vir ander tipes kommunikasie, byvoorbeeld telefone en telegramme. 

Laying-undersea-cable-Cape-Town
Lê van `n ondersee kabel in Kaapstad
(Foto krediet: Telkom)

Na die ontwikkeling van die telegraaf in 1839, het die moontlikheid van ʼn ondersese lyn oor die Atlantiese oseaan na ʼn sterk moontlikheid begin lyk. Samuel Morse het in 1842 dit reggekry om, onderwater in New York se hawe, ʼn telegram te stuur met ʼn draad geïsoleer met teer-hennep en Indiese rubber.

Die eerste ondersese kabel in Suid-Afrika is op 27 Desember 1879 van stapel laat loop en vir die eerste keer is Suid-Afrika direk verbind aan Europa. Die verbinding is moontlik gemaak deur die East Coast cable of the South African Telegraph Company via Durban en Zanzibar na Aden. 

Vandag optiese vesel tegnologie gebruik om digitale data te versend en dit sluit telefone, internet en private dataverkeer in. 

Moderne kabels is gewoonlik ongeveer 25 millimeter in deursnee en weeg ongeveer 1.4 kilogram per meter vir die gedeeltes diep onder die see, wat die grootste deel in beslag neem en groter en swaarder kabels vir die vlakwater gedeeltes naby die strand.

Die jongste toevoeging tot ons telekommunikasie infrastruktuur is gemaak in Mei 2012 met die aanlê van die West Africa Cable System (WACS). Die 17 200 kilometer vesel optiese kabel begin by Yzerfontein aan die weskus en eindig by die Verenigde Koninkryk. (Meer oor die WACS-stelsel)

 

[BRONNE: www.mybroadband.co.za & https://en.wikipedia.org]

Laer internetkostes en vinniger internet

Woensdag, Februarie 6th, 2013

Te danke aan die Universiteit se samewerking met SANREN en die implementasie van die Fortigate vuurmuur, kan kampusgebruikers nou uitsien na laer internetkostes en `n vinniger, meer stabiele internetverbinding. Beide hierdie projekte was nodig omdat die universiteit se verbruik van bandwydte elke jaar bykans verdubbel het vir die afgelope 8 jaar. Ten spyte van hierdie drastiese toename, is internetkostes nooit verhoog nie. 

 

TARIEWE VIR INTERNETGEBRUIK VANAF 1 JANUARIE 2013

Tarief A @R0.02/MB: Maandag-Vrydag: 08h00-23h59 

Tarief B @ R0.01/MB : Maandag-Vrydag: 00h00-07h59, sowel as Saterdae en Sondae 

 

Neem kennis dat die relevante tariewe word bepaal deur die dag en tyd wanneer die afgelaaide data proses voltooi is. 

•Voorbeeld 1: As jy Maandag 16:55 `n leêr begin aflaai van 3 MB en die proses is voltooi teen 17:10, sal die tarief vir Maandag 17:10 van toepassing wees. 

•Voorbeeld 2: Indien dieselfde leêr afgelaai word vanaf Maandag 07:55 tot 08:10, sal die tarief vir Maandag 08:10 toegepas word.

Spieëlwebwerwe tot jou beskikking

Vrydag, Junie 8th, 2012

Het jy geweet daar is sekere webwerwe waartoe jy plaaslik toegang na kan kry sonder dat jy nodig het om Inetkey te gebruik? Hierdie webwerwe staan bekend as spieëlwebwerf, of te wel `n “mirror site”.

In die rekenaaromgewing is `n “mirror” `n presiese kopie van `n datastel en op die internet is `n “mirror site” die presiese kopie van `n ander internetwebwerf. Spieëlwebwerwe word gereeld gebruik om veelvuldige bronne van dieselfde inligting te verskaf en is veral voordelig as betroubare toegang tot groot aflaaibare leêrs. “Mirroring”  is in kort dus `n tipe leêr sinkroniseringsproses waar die aktiewe spieëlwebwerf opdateer word sodra die oorspronklike webwerf verander.

Maar hoekom is dit nodig dat daar meer as een weergawes van dieselfde webwerf is? Enkele redes hiervoor is:

  1. Om die bestaande weergawe te bewaar, veral as dit gesluit is of gesluit gaan word.
  2. Sodat gebruikers vinniger inligting kan aflaai as dit plaaslik is. (`n Amerikaanse bediener kan byvoorbeeld `n spieëlbeeld hê in Japan sodat Japanese internetgebruikers vinniger data kan aflaai.)
  3. Toegang tot andersins onbereikbare inligting. (Google is byvoorbeeld verban in China in 2002 en `n spieëlwebwerf elgooG is daargestel om steeds toegang te gee.)
  4. Om ouer inligting te argiveer wat te duur word om te huisves op die hoofwebwerf.
  5. Om die lading in internetverkeer te verlig.

Voordat jy dus groot leêrs en sagteware aflaai vanaf `n internasionale webwerf en jou internetrekening opjaag, maak eers seker dat daar nie `n plaaslike weergawe is nie. Die volgende klompie webwerwe is teen geen onkoste beskikbaar vir jou:

`n Verskeidenheid sagteware is beskikbaar by http://support.sun.ac.za

MIT OpenCourse Ware: http://ocw.sun.ac.za

Mirror server vir linux: http://ftp.sun.ac.za

Mirror dienste gratis beskikbaar via TENET: http://www.mirror.ac.za

Bekendste linux distros is beskikbaar (Ubuntu,Debian, Fedora, Opensuse, Mandriva ens.)

Volledige Programeringstale mirrors is beskikbaar by:

CPAN (perl): http://ftp.sun.ac.za/ftp/pub/mirrors/ftp.funet.fi/pub/languages/perl/CPAN/

CTAN (Tex/Latex): http://ftp.sun.ac.za/ftp/pub/mirrors/ftp.dante.de/tex-archive/

Python: http://ftp.sun.ac.za/ftp/pub/mirrors/ftp.python.org/

Wiskundige tale:

SageMath: http://ftp.sun.ac.za/ftp/pub/mirrors/www.sagemath.org/

Scilab (http://ftp.sun.ac.za/ftp/pub/mirrors/scilab/www.scilab.org/

R http://ftp.sun.ac.za/ftp/pub/mirrors/cran.za.r

Octava http://ftp.sun.ac.za/ftp/pub/mirrors/octave

Oopbron sagteware:

sourceware.org: http://ftp.sun.ac.za/ftp/pub/mirrors/sourceware.org/pub/

Gratis Officepakket:

LibreOffice: http://ftp.sun.ac.za/ftp/pub/mirrors/libreoffice/

OpenOffice: http://ftp.sun.ac.za/ftp/pub/mirrors/openoffice/

Aflaaibare antivirus opdaterings:

Mcafee: http://ftp.sun.ac.za/ftp/pub/mirrors/ftp.nai.com/

Symantec: http://ftp.sun.ac.za/ftp/pub/mirrors/ftp.symantec.com/public/

english_us_canada/antivirus_definitions/norton_antivirus/

Adobe Reader: http://ftp.sun.ac.za/ftp/pub/mirrors/ftp.adobe.com/

BRON:  www.wikipedia.org

 

© 2013-2019 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.