Die Koeëlbaai Uitstappie 18 Maart 1935
Dit is die eerste uitstappie van 1935. ‘n Verbasende groot getal neem daaraan deel, ook Rosenhof en Denneoord kan ons in ons midde verwelkom. Dit lyk of die BTK vanjaar populêr sal wees! Byna kry die lorries nie almal by Steenbras nie, al het een seksie al sesuur voor die Uitspan staan bewe. Die lorrie was natuurlik laat. Van die hoogte aan Stellenbosch se kant van Somerset stap ‘n vrolike groep al aan solank hul maats op Stellenbosch gehaal word.
Muizenberg – Kalkbaai – Vishoek – Uitstappie 17 Maart 1934
Om betyds te wees vir die twintig-oor-agt trein was glad nie te vroeg vir die vrolike vyftigtal BT-Kaners, waarvan meer as helfte eerstejaars was. Mooi so! julle begin reg, het die ou ingeburgerdes gedink.
Die eksamens was verby en op Maandag, 3 Desember het omtrent dertig van ons van die “Uitspan” vertrek na die Pieke op die eerste van die “Gala”-toertjies onder leiding van dr Eiselen.
Ten spyte van hoë-hak skoene, lang witbroeke, boordjies en dasse; ten spyte van die koue snywindjie op die lorries in die vroeë oggend en van die groot meerderheid van besoekers onder ons geledere, heers daar uit die staanspoor ’n eg BTK- “spirit”.
Met ’n flinke pas stap ons tot by die brug, waar die skape en bokke van mekaar skei – die skape na die watervalle en die bokke na die Pieke.
18 Maart 1933
Die eerste uitstappie van die BTK hierdie jaar!
Baie was in hierdie woorde opgesluit. Vir die nuweling het dit nuwe ondervinding beteken, vir die veteraan het dit kans gegee om nuwe kennisse te maak en ou kennisse te vernuut.