Of jy ʼn aspirerende, teësinnige of professionele ontwerper is, soms moet jy `n pamflet, plakkaat, advertensie of vorm van grafika saamflans.
Canva ʼn Australiese maatskappy, is in 2012 begin om gebruikers in staat te stel om maklik grafika te ontwerp, vir watter doel ookal.
Die gewildheid van die webwerf het vinnig toegeneem en binne die eerste jaar is 750,000 gebruikers registreer. Op die oomblik het Canva meer as 10 miljoen gebruikers in 179 lande en word dit geag as een van die maklikste grafiese ontwerpplatforms tans beskikbaar.
Die grootste uitdaging met grafiese ontwerp, is om die sagteware onder die knie te kry — gewoonlik ʼn tydrowende proses. Sagteware soos Adobe Photoshop is duur en ingewikkeld. Canva skakel die leerproses uit en verwag nie dat jy ʼn kundige ontwerper moet wees om dit te kan gebruik nie. Hoe kry hulle dit reg?
Eerstens vereenvoudig Canva die ontwerpproses deur ʼn intuïtiewe sleep-en-los proses te gebruik wat dit maklik maak om elemente by te voeg, verwyder of redigeer. Verder is daar 11 template beskikbaar of jy kan jou dokument van nuuts af ontwerp. Dit bied ook 8000 gratis en betaal-uitlegopsies.
Laastens is daar ʼn gratis funksie vir fotoredigering, ʼn kleurpalet-genereerder en ʼn databasis met meer as `n miljoen foto’s, grafika en lettertipes. Van die grafika is slegs beskikbaar in die Premium-pakket en kos $1 per foto, maar jy kan ook maklik jou eie grafika oplaai en gebruik.
Al hierdie bronne kan gebruik word vir beide web- en printmedia ontwerp en grafika. Canva is gratis vir individue, maar bied ook ʼn ‘Team’ opsie teen $12.45/maand.
BRONNE:
www.wikipedia.org
http://www.pcworld.com
https://www.cnet.com
http://socialconceptsconsulting.com
http://sociallysorted.com.au
https://beautifulpixels.com
http://createyourlaptoplife.com
http://executivesecretary.com/canva-a-design-tool-for-the-non-designer/
Tags: design