E-pos
(English) Filesender – a secure service for sharing large files
Dinsdag, Februarie 5th, 2019
Gebruik van sun e-pos vir kommersiele aktiwiteite
Dinsdag, Februarie 5th, 2019
As personeel en studente van die Universiteit gebruik ons elke dag ons sun e-posadresse? Maar het jy geweet dat jy gevolglik ook onderhewig is aan die Elektroniese Kommunikasiebeleid?
Die EKB verduidelik beide die aanvaarbare en onaanvaarbare gebruik van die Universiteit se elektroniese kommunikasiefasiliteite, insluitende internet en e-pos. (lees die volledige EKB hier) Volgens die EKB, punt 3.1.3: “Die Gebruiker word verantwoordelik gehou om die Fasiliteite slegs vir die doel waarvoor die Gebruiker gemagtig is, te gebruik.”
IT-fasiliteite en bronne word verskaf met die doel om die Universiteit se missie te bevorder. Dit sluit leer, onderrig, navorsing, kennisoordrag, gemeenskapsinteraksie, die kommersiële aktiwiteite van die Universiteit en ook die administrasie wat benodig om hierdie missie te ondersteun.
Die e-posstelsel moet slegs gebruik word vir wettige, institusionele doeleindes. Gevolglik is die gebruik van IT-fasiliteite vir nie-US kommersiële doeleindes of vir persoonlike gewin, ʼn oortreding van hierdie beleid. Jy mag nie IT-fasiliteite gebruik om enige handel te dryf of diens of beroep, wat nie deur die Universiteit ondersteun word nie, te adverteer nie.
Dit het egter onder ons aandag gebring dat enkele personeel hulle sun e-pos gebruik om inligting oor skoonheidsprodukte, Tupperware en ander items te versprei en ook optree as verkoopsagente vir hierdie produkte. Enige massa bemarking e-posse of kommersiële advertensies van ander besigheide word nie toegelaat op die Universiteit se netwerk nie.
Om jou persoonlike en besigheidsaktiwiteite te skei is op die lang duur ook ʼn beter sekuriteitspraktyk en sal jou en die Universiteit se netwerk beskerm. Ons stel dus voor dat jy eerder ʼn persoonlike e-posadres, byvoorbeeld Gmail, kry om jou persoonlike e-posse te stuur. Indien jy jou sun-adres steeds wil gebruik vir persoonlike doeleindes, hou in gedagte dat die Universiteit alle kommunikasie wat via e-pos gestuur word, besit. Indien nodig het die Universiteit se bestuur die reg om toegang te kry tot enige materiaal in jou e-pos of op jou rekenaar.
(English) Phishing attempt: “SARS eFiling Letter notification”
Donderdag, Januarie 31st, 2019(English) SARS phishing scam
Woensdag, Januarie 30th, 2019Terugvoer oor Microsoft-onderbreking
Vrydag, Januarie 25th, 2019Weens ʼn onderbreking in die Microsoft Exchange diens Donderdag (24 Januarie) vanaf 10:30 tot 22:00 het personeel en studente geen toegang tot e-pos gehad nie. Die onderbreking is veroorsaak deur tegniese probleme by een van Microsoft se datasentrums in Europa en het, onder andere, Suid-Afrika, Europa en Suid-Amerika beïnvloed. Die verbinding tot Microsoft Exchange is Donderdagaand weer herstel en personeel en studente kon Vrydagoggend weer volledige toegang tot e-pos te hê. Vir `n volledige verslag oor die insident deur Microsoft, kliek hier
Hou in gedagte dat kuberkriminele hierdie tipe kan insidente misbruik om aanvalle loods teen e-posgebruikers. Nie IT of Microsoft sal jou ooit vra om jou Microsoft rekening per e-pos te heraktiveer of vra vir persoonlike inligting nie.
Neem asb. kennis dat Informasietegnologie in gevalle waar e-pos nie beskikbaar is nie ons Twitter-rekening sal gebruik as hoof-kommunikasiekanaal en dat die nuutste inligting op hierdie platform geplaas sal word.Vir enige navrae kontak asb. die IT Dienstoonbank by 021 808 4367 of meld ʼn versoek aan op die ICT Partner Portal.