Dit was `n bedrywige week op die tegnologiese front met heelwat nuwe verwikkelinge en interessanthede. Ons bring vir jou die hoogtepunte via Techcentral.

Mxit Money, `n vennootskap tussen Bank en mobiele sosiale netwerk Mxit, is die week bekendgestel. Mxit Money stel Mxit-gebruikers in staat om gratis vir mekaar geld te versend, transaksies te maak en selfs te onttrek. Gebruikers kan ook geld stuur na ander selfoongebruikers teen `n klein fooi.  Volledige artikel.

Duitse mediastroom-maatskappy Simfy het aangekondig dat hulle diens voor die einde van die maand in Suid-Afrika beskikbaar sal wees. Simfy Africa sal meer as 18 miljoen snitte beskikbaar hê om te stroom en het lisensie-ooreenkomste aangegaan met groot internasionale platemaatskappye, onder andere Sony Music. Volledige artikel.

DotConnectAfrica, gebaseer in Mauritius maak aanspraak op die generiese hoofdomein .africa ten spyte daarvan dat hulle aanvanklik teen `n koste van  US$185 000 aansoek gedoen het vir die verkeerde domeinnaam en dit onwaarskynlik is dat hulle sal slaag in die streng vereistes vir geografiese gTLDs. Volledige artikel.

Die “Competition Tribunal” het Telkom verlede week met R449m beboet omdat die maatskappy sy oorheersende rol in die telekommunikasie industrie misbruik het tussen 1999 and 2004. Indien Telkom nie appèl aanteken teen die besluit nie, moet die helfte van die boete binne ses maande na die besluit betaal word en die balans binne 12 maande. Volledige artikel.

Jy wil net `n eenvoudige foto vir iemand met e-pos stuur, maar al die verskillende grafika formate en wanneer dit die beste is om watter een te gebruik, maak jou meer deurmekaar as `n verkleurmannetjie op `n smartieboksie.

Kom ons begin voor –

Die bekendste formaat vir grafika (prente, fotos, ens.) is .jpg. JPEG is die afkorting vir “Joint Photographic Experts Group”, maar dis nie nodig om te onthou nie. JPG’s is gewild en word algemeen gebruik omdat dit beskik oor uitstekende kompressiemetodes om te verseker dat die lêer so klein moontlik kan wees, sonder dat daar sigbare verslegting van die beeld plaasvind. Jy kan dit dus met `n geruste hart gebruik om jou fotos vir familielede aan te stuur sonder dat jou posbus moedeloos sug onder die vreeslike lading.

BMP oftewel die Bitmap formaat is een van die oudste/primitiefste grafika tipes en het GEEN “compression nie”. As gevolg van bitmaps se  gebrek aan kompressie, is die leêrs onnodig groot en neem dit geweldig baie spasie op en word die netwerk en e-pos bediener oorlaai. Dit sal ook jou eie posbus volmaak as dit in jou Sent items agterbly, sowel as die ontvanger. Probeer  bitmaps vermy en gebruik eerder `n jpg.

GIF (Graphics Interchange Format) is ‘n bitmap grafikaformaat wat in 1987 deur CompuServe bekendgestel is en nou wêreldwyd gebruik. Die formaat ondersteun tot 8 bits per pixel en laat dus `n enkele grafiese beeld toe om `n palet van tot 256 afsonderlike kleure te gebruik.

GIFs is geskik vir grafika met duidelike lyne en `n beperkte aantal kleure  (soos logos) en vir klein animasies en lae-resolusie filminsetsels. Weens GIFs se beperkinge is hulle nie geskik vir digitale fotografie nie, maar behoort  TIFF, RAW of JPEGs eerder gebruik te word.

Om minder spasie te gebruik, probeer eers jou grafika kleiner maak. Dis nie nodig om `n hoë resolusie leêr van `n paar meg te stuur om iets te kan sien op `n foto nie. (tensy jy beplan dat die persoon wat dit ontvang, dit moet druk)

PNG (Portable Network Graphics) is `n formaat ontwerp vir die oordra en versprei van grafika op die internet, nie vir professionele hoë-kwaliteit drukwerk nie. Die formaat ondersteun dus ook nie CMYK nie, maar bied `n verskeidenheid deursigtigheidsopsies.

TIFF‘s (Tagged Image File Format) word gebruik deur professionele drukkers vir die beste moontlike kwaliteit afdrukke. Die formaat is deur die maatskappy Aldus geskep vir wat destyds “desktop publishing” genoem is en die TIFF-formaat word deur die meeste grafika-manipulasie-,  skandering,  faks-, woordverwerking-, optiese karakterherkenning- en uitlegsagteware gebruik.

(Inligting verskaf deur Neels Blom en Wikipedia)

Jammer, hierdie bladsy is nie in Afrikaans beskikbaar nie.

Vanaf ingang 1 Julie 2012 is gratis Internet toegang tot die US Biblioteekdiens se subskripsie elektroniese bronne slegs beskikbaar vanaf die Biblioteekdiens se webwerf.

Soos met ‘n vorige uitgawe van Bits-and-Bytes berig is die metode waarmee voorheen gratis toegang bewerkstellig was – naamlik ‘n verstelling in die gebruiker se webleser bekend as die PAC lêer – weens ‘n verskeidenheid van redes nie meer langer ‘n tegniese haalbare opsie om gratis toegang te bewerkstellig nie. Gratis toegang is dus voortaan slegs beskikbaar deur enige van die elektroniese bronne skakels op die Biblioteek se webwerf te gebruik. Sodoende word die gebruiker outomaties onthef van die Internet koste vir toegang tot subskripsie elektroniese bronne. Hierdie skakels kan ook deur middel van die gebruiker se webleser geboekmerk word om as snelskakels tot die elektroniese bronne aangewend te word.

Gebruikers word nogtans aangeraai om deurgaans Inetkey te gebruik, want dit sal die aflaai van die nie-akademiese inhoud met die gebruik van elektroniese bronne versnel.

Navrae kan gerig word aan Wouter Klapwijk.