SOURCE: http://www.makeuseof.com
Algemeen
Wat om te doen as die internet af is?
Vrydag, Mei 11th, 2012
Reg vir die toekoms: Die nuwe generasie ECM is hier
Vrydag, Mei 11th, 2012So, wat is ECM?
Enterprise Content Management (ECM) is die strategieë,-metodes en gereedskap wat gebruik word om data vas te vang, te bestuur, te stoor, te bewaar, en die inhoud en dokumente met betrekking tot organisatoriese prosesse te bied. ECM het die bestuur van inligting binne die volle omvang van ‘n onderneming of dat die inligting is in die vorm van ‘n papierdokument, ‘n elektroniese leêr, ‘n databasis print stroom, of selfs ‘n e-pos.
Goed, so wat beteken dit eintlik en hoe sal dit my lewe makliker maak? ECM sal vir jou ‘n werksdag vereenvoudig op die volgende maniere:
– Minder papier om te liasseer en organiseer. Uiteindelik `n papierlose kantoor!
– Makliker tred hou met al jou dokumente. Dokumente sal op een sentrale plek wees, nie op vier verskillende mense se pc’s nie.
– Meer aanpasbaarheid.
– Toeganklik vanaf enige plek – of jy met vakansie is in Margate of in `n konferensie sit in Kaapstad.
– Geen verwarring meer wanneer dit kom by te veel weergawes van kritiese dokumente nie. Laaste minuut verwarring voor ‘n vergadering om die nuutste weergawe van die dokument te vind is iets van die verlede.
– Maklik om op te spoor. Jy hoef nie meer deur hope papier te sorteer deur ongeorganiseerde leêrs op jou rekenaar nie.
– Dokumente is veilig gestoor en nie op die perseel in geval van `n brand nie.
Die konsep van die ECM is nie heeltemal nuut op kampus nie. Op die oomblik word SharePoint Team site reeds tot `n mindere mate as `n hulpmiddel gebruik. Om egter ten volle gebruik te maak van die voordele wat ECM kan bied, sal ‘n hele nuwe generasie van SharePoint binnekort geïmplementeer word.
Die implementering hiervan is die eerste stap van ‘n groter projek, wat op ‘n later stadium ook Business Intelligence sal insluit. Op ‘n meer praktiese vlak sal hierdie platform sal ook gebruik word vir alle US-webwerwe.
Deur die hele proses sal IT die vordering van die projek met kampus kommunikeer en sal daar genoegsame geleentheid wees vir almal wat tans betrokke is met die Team sites om opleidingsdae by te woon. Vir ander belangstellendes sal inligtingsessies gehou word om ‘n breër oorsig van die projek te gee.
Laat die soektog begin!
Vrydag, Mei 4th, 2012Het jy al ooit `n soektog gedoen op `n soekenjin net om 1267 resultate te kry wat niks te doen het met wat jy in die eerste plek gesoek het nie?
Internetsoekenjins beskik oor die vermoeë om `n geweldige groot hoeveelheid webbladsye te deursoek deur van titels, sleutelwoorde of teks gebruik te maak. Maar om die regte resultate vinnig en effektief te lewer, moet jy weet hoe om dit optimaal te benut.
Ons het `n paar basiese wenke saamgestel om dit makliker te maak vir jou.
– Kies meer as een sleutelwoord
Die meeste mense gebruik 1.5 woorde per soektog en dis nie genoeg vir `n suksesvolle soektog nie. Die aanbevole aantal woorde is 6 tot 8, verkieslik selfstandige naamwoorde. Lidwoorde en voornaamwoorde word geignoreer deur soekenjins.Vermy werkwoorde en byvoeglike naamwoorde behalwe as dit die onderwerp beter definieer.
– Gebruik frases
Frases is kombinasies van twee of meer woorde wat in die presiese volgorde in die teks wat jy soek gevind kan word. Maak seker jy sit die frase in aanhalingstekens, byvoorbeeld “regte resultate vinnig”.
– Hoofletters en leestekens
Die meeste soekenjins is sensitief as dit kom by kas. As jy kleinletters gebruik word sal die meeste soekenjins egter beide hoofletters en kleinletters raaksien. Kleinletters is dus jou veiligste opsie.
– Booleansoektogte
“Boolean” soektogte is vernoem na George Boole, `n 19de eeuse wiskundige. `n Boolean-soektog is `n handige hulpmiddel wat die beste soekresultate lewer. Die drie algemeenste Boolean-opsies is AND, OR en AND NOT.
AND beteken jy soek net dokumente wat beide/albei woorde bevat. Byvoorbeeld as jy “search engines” AND “Google” AND “Boolean” kies, sal jy slegs resultate kry wat al drie woorde bevat.
OR beteken jy soek resultate wat een van die twee woorde bevat – dit maak nie saak watter een nie. Gebruik verkieslik sinonieme vir hierdie opsie. Byvoorbeeld “small caps” OR “lower case”.
AND NOT beteken jy soek resultate wat een word bevat, maar nie as die dokument ook `n spesifieke ander word bevat nie. Die soektog “Google” AND “search engines” AND NOT “Boolean” sal dus slegs vir jou die dokumente gee met “Google en “search engines”, maar nie “Boolean” ook in het nie.
Die meeste soekenjins ondersteun die AND NOT-opsie, maar soms word dit ook BUT NOT of NOT genoem. In hierdie gevalle word dit aangedui deur `n minusteken voor die word of frase te plaas.
– Let op jou spelling en oorweeg ook alternatiewe spelling van woorde.
– Gebruik spesifieke woorde eerder as generiese kategorieë. Soek eerder “skootrekenaar” as “rekenaars”.
– Soek slegs op `n spesifieke webwerf of domein. Om dit te doen tik die frase wat jy soek, gevolg deur “site:” en die webwerfadres. (Byvoorbeeld inetkey site:www.sun.ac.za/infoteg)
– Gebruik `n spesialis-soekenjin, soos `n beeld(“image”)-soekenjin, om fotos en prentjies te soek. Baie webwerwe het ook hulle eie spesiale onderafdelings waaronder jy kan soek. Wikipedia het ook `n baie volledige lys oor spesialis soekenjins.
Onthou daar is tussen 200 en 800 miljoen dokumente aanlyn! Hoe beter jy jou soektog definieer, hoe meer tyd gaan jy spaar.
Volgens oorlewering het Amazon die nommer een aankope-webwerf geword omdat Yahoo destyds voordat Google bestaan het, al die webwerwe in hulle gids alfabeties gelys het! Gelukkig het tye verander.
Om meer te leer oor soekenjins en hoe om hulle beter te gebruik, gaan loer gerus by Search Engine Watch.
Het jy geweet?
Vrydag, Mei 4th, 2012Jy kan die hele internet op 200 miljoen Blu-Ray skywe stoor en dat die heel eerste webkamera gebruik is om `n koffiepot te monitor? Deesdae is ons al so bederf met die internet dat dit moeilik is om `n lewe daarsonder in te dink. Maar weet jy waar dit alles begin het?
Die tegnologie agter die internet is alreeds in die sestigerjare by MIT (Massachusetts Institute of Technology) begin. Die eerste boodskap wat ooit gestuur het, het net een word bevat – LOG. Hoekom? Die person wat dit getik het, het LOGIN probeer tik, maar die geweldige hoeveelheid data wat die letter G bevat het, het die hele netwerk laat platval.
Die internet was oorspronklik net een bladsy by die URL http://info.cern.ch/hypertext/WWW/TheProject.html. Op hierdie enkele blad was `n opsomming oor hierdie nuwe projek wat die “WorldWideWeb” genoem word en hoe jy ook `n bladsy kan maak vol wonderlike hiperskakels. Ongelukkig is die oorspronklike blad nie meer beskikbaar nie, maar jy kan die hersiende weergawe hier kry.
Nog interessante internet-trivia:
- Die eerste webkamera is implementeer in Cambridge se rekenaarlaboratorium – sy enigste doel was om een spesifieke koffiemasjien te monitor sodat die koffiedrinkers nie verniet loop en `n leë koffiepot kry nie. Hierdie “gevorderde” tegnologie word steeds selfs op ons eie kampus gebruik in sekere laboratoriums.
- MP3’s is reeds in 1991 uitgevind, maar is eers in 1998 vir die eerste keer gebruik te danke aan Napster.
- Reg van die begin af was het die deel van leêrs op die internet vir owerhede problem geskep. In 1989 moes die Universiteit van McGill hulle ftp-webwerf afsit nadat hulle besef het dis verantwoordelik vir die helfte van alle internetverkeer van Amerika na Kanada.
- Die enorme omvang van die leêrdeling vandag met die gepaardgaande etiese kwessies kom dus al `n lang pad. Torrent-leêrs gebruik meer as 50% van die bandwydte van die internet – `n groot gedeelte word egter opgeneem deur videostrome van dienste soos Netflix.
- Google beraam dat die internet vandag uit 5 million terabytes se data (1TB = 1,000GB) bestaan, waarvan Google self nog net 0.04% geindekseer het.
- Twintig ure se videomateriaal word elke minuut van reg oor die wêreld op YouTube gelaai. Die heel eerste YouTube video is op 23 April deur Jawed Karim (een van die stigterslede van die webwerf) gelaai, was 18 sekondes lank en geweldig vervelig. (Sommige goed verander nooi!)
BRON: http://www.makeuseof.com
IT op jou drumpel
Vrydag, April 20th, 2012Een van die dae sal jy eenkeer elke twee maande al jou navrae en klagtes kan stem gee by jou eie IT-fakulteitsbeampte.
As deel van IT se voortdurende pogings om kommunikasie met kampus te verbeter, is fakulteitsbeamptes in elke fakulteit onlangs aangewys. Met hierdie inisiatief sal daar twee-maandeliks insette, idees en voorstelle van gebruikers op kampus via hul eie verteenwoordigers ontvang word. In die proses sal dit Informasietegnologie in staat stel om vinniger probleme op te los en ook te bepaal waar daar spesifieke knelpunte en potensiële probleme mag ontstaan.
IT verteenwoordigers sal binnekort sleutelpersone binne elke fakulteit kontak om reëlings te tref vir die eerste kontaksessie:
| IT VERTEENWOORDIGERS | FAKULTEIT |
| Marita de Koker & André Elms | Teologie |
 |
|
| Clayton Adonis & Quintus Roos | Natuurwetenskappe |
| Bradley van der Venter & Clive Layman | Regte |
 |
|
| Regan Janari & Leanne Farao | Sport |
 |
|
| Neels Blom & Zanfrick Witbooi | Agriwetenskappe |
 |
|
| Tian Petersen & Clint Adams | Opvoedkunde |
| Peter Grift & Ryan Leroux | Ekonomie |
| George Whitehead & Ronel Reynecke | Ingenieurswese |
| Paul de Kock & Basil Pietersen | |
 |