Kennisgewings « Informasietegnologie

Kennisgewings

Die einde van Windows 7

Woensdag, Desember 4th, 2019

Na tien jaar het ondersteuning vir Windows 7 tot ’n einde gekom op 14 Januarie 2020.

Hoe gaan dit jou beïnvloed?

Na 14 Januarie sal jou rekenaar nie meer enige sekuriteitsopdaterings of tegniese ondersteuning van Microsoft ontvang nie. Weens die sekuriteitrisiko wat jou rekenaar op die universiteit se netwerk plaas, kan dit in die toekoms van die netwerk verwyder word. Dit beteken dat jou data nie meer effektief beskerm kan word nie en jy ook moontlik geen toegang tot die netwerk sal hê nie (m.a.w. geen internet, e-pos, ens).

Indien jou rekenaar steeds gebruikmaak van die Windows 7 en Windows 8.1 bedryfstelsels, moet jy so gou moontlik opgradeer na Windows 10, ’n bedryfstelsel wat wel die nuutste sekuriteitsopdaterings kan verskaf om jou data veilig te hou. Lees meer oor Microsoftprogrammatuur se lewensiklus op hulle webwerf.

Opgraderings van Windows 7 & Windows 8.1 na Windows 10 sal gratis vir personeel gedoen word. Om die opgradering aan te vra, teken asb ’n versoek aan op die ICT Partner Portal (Windows 7 to Windows 10 upgrade) waarna jy `n e-pos sal ontvang. Verskaf asseblief die volgende inligting:

die rekenaar se batenommer
tipe toestel
kontaknommers
gebounaam
kamernommer

Jou rekenaar se spesifikasies sal nagegaan word vir `n moontlike opgradering aangesien ouer toerusting komponente mag benodig vir die opgradering en dit die departement se onkoste sal wees. Dis ook moontlik dat baie ou toerusting wat nie aan die minimum vereistes voldoen nie, dalk nie opgradeer kan word nie.

’n IT-tegnikus sal jou kontak om verdere reëlings te tref indien nodig.

IT sal die volgende gratis doen:

Lei ten opsigte van die rugsteun van werkverwante data na OneDrive
Die bedryfstelsel opgradeer van Windows 7 & 8.1 na Windows 10
Na die opgradering kan `n tegnikus help met die volgende indien nodig: Installasie van nie-standaard kampusverwante sagteware, bv. SPSS, Statistica, ens, sowel as die installasie van drukkers.

Jy of jou departement betaal vir:

Rugsteun van alle data.
Hardeware komponente benodig vir die opgradering na Windows 10

Indien IT versoek word om die data te rugsteun, sal dit teen onderstaande koste gedoen word:

Minder as 15GB – R1310-00
Meer as 15GB – R2240-00

Relevante artikels oor die uitfassering van Windows 7:

Tags: datarugsteun, upgrade, Windows 10, Windows 7, Windows 8
Posted in Nuus, Kennisgewings | Comments Off on Die einde van Windows 7

Opdatering van Adobe-lisensies

Vrydag, November 29th, 2019

Adobe Acrobat-gebruikers mag dalk opgemerk het dat ’n kennisgewing op hulle skerms verskyn met die boodskap dat lisensies gaan verval einde November.

Hierdie is ’n administrasie-saak aan Adobe se kant en kan maklik reggestel word sodat jy sonder te veel moeite kan werk. Indien jy nie jou lisensie opdateer word nie, sal jy nie meer pdf-dokumente kan redigeer of lees met die Adobe Acrobat programmatuur nie.

Om te voorkom dat dit gebeur kan jy een van die volgende doen:

Maak die volgende skakel oop. Jy sal gevra word om jou gebruikersnaam en wagwoord in te tik en die licenceupdate.exe leêr sal, afhangende van jou webblaaier, jou vra of jy dit wil run/save of outomaties aflaai.
1. Indien jou webblaaier vra of jy wil run/save, kliek run. Jy mag moontlik ’n kennisgewing kry dat Windows die leêr as onveilig beskou, maar jy kan kliek op more info and op run anyway kliek. Verdere kennisgewings sal op jou skerm verskyn. Met elke kennisgewing, kliek bloot Yes. Die skerm sal die nuwe datum waarop Adobe verval vertoon.
2. Indien ou webblaaier outomaties die leêr aflaai, gaan na jou Downloads-gids en dubbelkliek op die licenceupdate.exe leêr. Volg die stappe soos bo beskryf.
Indien jy nie bogenoemde instruksies suksesvol kan installeer nie, meld asb. ’n versoek aan met die onderwerp “Update Adobe license” op die ICT Partner Portal. Hou in gedagte dat ons met hierdie opsie nie onmiddellike hulp kan waarborg nie.

Posted in Toepassings, Algemeen, Kennisgewings | Comments Off on Opdatering van Adobe-lisensies

Webtoepassings weer beskikbaar

Dinsdag, November 26th, 2019

Om ongeveer 12:30 gistermiddag is verskeie webtoepassings beïnvloed deur ’n ernstige probleem op die stelsel-infrastruktuur. Dit het veroorsaak dat dienste soos eksamenresultate; eksamenskedules; laai van punte; e-tesisse; SUN-e-HR; wagwoordverandering; e-Betalings en die US-kontaksentrum se AgentePortaal, nie beskikbaar was nie.

Dankie vir julle geduld gedurende die uitgebreide onderbreking van stelsels. Alle stelsels en toepassings was teen 17:00 weer funksioneel. Ons ondersoek die insident om te bepaal wat die hoofoorsaak was en sal alle moontlike maatreëls in plek sit om te verhoed dat dit in die toekoms weer gebeur.

Hou in gedagte dat, gedurende insidente soos hierdie, ons gereelde opdaterings sal plaas t.o.v. die situasie op ons Twitter-rekening.

Indien julle enige vrae het, meld asb. ’n versoek aan op die ICT Partner Portal of kontak die Informasietegnologie dienstoonbank by 021 808 4367.

Posted in Kennisgewings | Comments Off on Webtoepassings weer beskikbaar

Geskeduleerde IT-onderhoud: 13-17 Desember

Maandag, November 18th, 2019

Informasietegnologie sal gedurende die naweek van 13 Desember geskeduleerde onderhoud uitvoer op verskillende komponente van die IT infrastruktuur. Gevolglik sal daar tye wees wanneer stelsels nie beskikbaar is nie.

Kwartaallikse, geskeduleerde onderhoud vind plaas vanaf 17:00 Vrydag, 13 Desember tot 08:00 Dinsdag, 17 Desember. Verskeie IT dienste en stelsels word hierdeur geraak en kan gedeeltelik of in geheel nie beskikbaar wees nie. Weens die omvangryke onderhoud en die noodsaaklikheid vir deeglike toetsing van stelsels en dienste kan onderbrekings ook voortduur in die daaropvolgende week

Wees verseker dat ons alles binne ons vermoë sal doen om onderbrekings tot die minimum te beperk. Vir navrae kontak asb. die IT Dienstoonbank by 021 808 4367 of meld ŉ versoek aan op die ICT Partner Portal

Posted in Kennisgewings | Comments Off on Geskeduleerde IT-onderhoud: 13-17 Desember

SUNFin bly op koers

Vrydag, Augustus 30th, 2019

Die SUNFin Implementeringsprojek bly op koers vir ons teikendatum van Januarie 2021. Ons was druk besig met die voltooiing van RAPID sigblaaie waarin Universiteit Stellenbosch data en inligting vervat word. Die sigblaaie is aan Visions Consulting, ons implementeringsvennoot, oorhandig wat hulle in staat stel om met die konfigurasie van Oracle Cloud Financials, Iterasie 1, te begin.

Die oogmerk is om die opstelling van Iterasie 1 teen die tweede week van Oktober voltooi te hê. Werkswinkels vir die hersiening hiervan sal binnekort vir Oktober geskeduleer word.

Intussen het die besigheid-optimaliseringswerkstroom met die uitpak van die Oracle Cloud Finansiële prosesse begin om die gapings tussen die US se huidige finansiële besigheidsprosesse en die standaard Oracle Cloud Finansiële prosesse te identifiseer. Die US het onderneem om, waar moontlik, die standaard Oracle Cloud prosesse te gebruik en ons huidige prosesse daarby aan te pas ten einde die maksimum voordele uit die nuwe stelsel te put.

Vir meer inligting oor die SUNFin Implementeringsprojek, besoek gerus www.sun.ac.za/sunfin.

Rig asseblief enige navrae, opmerkings, bekommernisse en idees wat u oor die SUNFin Projek mag hê per e‑pos aan sunfin@sun.ac.za.

Posted in Kennisgewings | Comments Off on SUNFin bly op koers

IT skakels

US skakels

Onlangse bydraes

Kategorieë

Argiewe