Indien u `n e-pos ontvang met onderstaande inhoud wat lyk of dit deur die US IT-afdeling gestuur is, moet onder geen omstandighede op die skakels kliek of daarop antwoord nie.
Hierdie is `n “phishing” e-pos wat poog om u wagwoord en ander inligting te oes. Verwyder dadelik die e-pos en moenie daarop reageer nie.
IT sal nooit gebruikers vra om hulle gebruikersname, wagwoorde of persoonlike inligting te verskaf deur middel van `n e-pos boodskap nie. Daar is ook `n paar ander tekens dat dit `n “phishing” e-pos is.
- As dit `n boodskap van IT was, sou dit sekere identifiseerbare kenmerke gehad het en dit sou in Engels en Afrikaans gewees het.
- Die grammatika is buitengewoon sleg.
- Universiteitspersoneel is “users”, nie “subscribers” nie.
- Dis e-pos is `n leesbare, onsekure, maklik toeganklike formaat – hoekom sou IT vra dat jy jou wagwoord op so `n onsekure wyse verskaf?
- Daar bestaan geen support@sun.ac.za e-pos adres nie.
- As jy wel op die “default reply” adres kliek, sal jy dadelik sien dis eintlik `n vreemde adres.
- Die skakels en die versender/bediener se oorsprong is in Korea.
Meer inligting oor “phishing”.
VOORBEELD VAN “PHISHING” E-POS:
|
Dear sun.ac.za subscriber, We are currently carrying out an upgrade on our system due to the fact that it has come to our notice that one or more of our subscribers are introducing a very strong virus into our system and it is affecting our network.We are trying to find out the specific person. For this reason all subscribers are to provide their USER NAME AND PASSWORD for us to verify and have them cleared against this virus. Failure to comply will lead to the termination of your Account in the next 48 hours. Information Required: http://webmail.sun.ac.za/owa/auth/logon.aspx Hoping to serve you better.
|
Dwarsdeur die jaar stuur ons deurlopend waarskuwings aan personeel teen “phishing” e-posse en ongelukkig sal ons moet aanhou om dit te doen, aangesien vele personeel steeds, ten spyte van hierdie waarskuwings, telkens byt aan kuberkriminele se lokaas. 
Die teenoorgestelde van “spam” – met ander woorde e-posse wat jy WIL ontvang, word natuurlik “ham” genoem. (ja regtig) 
Die oomblik wanneer jy aanlyn is, loop jy sekere risikos. Dit klink miskien oordrewe, maar ons is geneig om te vergeet hoe blootgestel en watter maklike teikens ons is vir kuberkriminele as ons nie bedag is op ons aanlynveiligheid nie.