gemorspos
(English) Scam warning: UPS Parcel Receipt with infected attachment
Woensdag, November 30th, 2016
Whatsapp-verblindery
Woensdag, November 23rd, 2016WhatsApp word deur studente en personeel gebruik as belangrike kommunikasiemiddel. Ongelukkig bied dit aan kuberdiewe nog ʼn platform om hul aktiwiteite op uit te oefen.
WhatsApp kuberstreke kom in verskeie formate voor en is dikwels besonder oortuigend. Maak seker jy bly oplettend en word nie geflous deur iets wat te goed of te problematies om waar te wees lyk nie. Net omdat ʼn familielid of vriend vir jou iets aanstuur, beteken nie dis veilig nie.
Koepon-truuks
Jy kry ʼn boodskap via Whatsapp van (wat lyk soos) een van jou vriende en hy beveel ʼn aanbod waarop hy afgekom het, aan. Gewoonlik is daar ʼn skakel in die boodskap wat jou na ʼn ander webwerf neem en waar jy jou persoonlike inligting invul. Moet nooit op ʼn skakel kliek waaroor jy nie seker is nie en moet definitief nooit persoonlike inligting gee op ʼn webwerf wat jy nie ken nie.
WhatsApp maak toe
Daar is heelwat vals boodskappe wat beweer dat Whatsapp gaan toemaak indien genoeg mense nie ʼn spesifieke boodskap deel nie. Die boodskappe lyk dikwels heel oortuigend en gebruik die regte woorde en frases vir die konteks, asof dit deur ʼn direkteur van ʼn maatskappy of iemand amptelik gestuur is.
ʼn Amptelike verslag sal egter nie van kliënte verwag om dit heen en weer te stuur nie. Dit sou deur middel van normale nuuskanale verkondig word of as ʼn kennisgewing in die toepassing self deur die Whatsapp-span.
WhatsApp dreig om jou rekening te sluit
Hierdie voorbeeld is soortgelyk aan die vorige een. Dit lyk soos ʼn amptelike boodskap wat beweer dat jou Whatsapp-rekening gesluit gaan word omdat dit nie aktief gebruik word nie. Dit versoek dat jy die boodskap aanstuur om te bewys dat dit wel gebruik word.
WhatsApp dwing jou om te betaal
Ook soortgelyk aan die vorige kuberdiefstalpoging. Die enigste verskil is dat jy blykbaar vrygeskeld word van betaling indien jy die boodskap aanstuur na ander persone.
WhatsApp Gold of WhatsApp Premium
Dié boodskap stel voor dat jy ʼn spesiale weergawe van Whatsapp, gewoonlik genoem Gold of Premium, koop of aflaai. Blykbaar bied hierdie nuwe weergawes opwindende ekstra kenmerke, soos die vermoeë om meer fotos te stuur, nuwe emojis te gebruik of ekstra sekuriteitsopsies. Ongelukkig is hierdie verbeterde weergawes glad nie veilig nie. Wanneer die toepassing aflaai word, word die foon besmet met malware, wat opsigself meer vals boodskappe genereer op jou onkoste.
Whatsapp e-posse
Gemorspos e-posse is erg genoeg, maar saam met Whatsapp raak dit onbeheerbaar. Daar is ʼn verskeidenheid kuberdiefstalpogings daar buite wat e-posse uitstuur wat soos Whatsapp-kennisgewings lyk – gewoonlik ʼn kennisgewing van ʼn verlore oproep of stempos. Maar wanneer jy daarop kliek, word jy oortuig dat jou inligting, wagwoord, ens. moet verklap.
Moet nooit op ʼn e-pos van ʼn twyfelagtige sender kliek nie. Whatsapp stuur nie e-posse oor verlore oproepe of stempos nie.
Onegte WhatsApp afloer-toepassings
Whatsapp gebruik end-to-end enkripsie en gevolglik is dit nie moontlik om iemand anders se boodskappe te lees nie. Boodskappe kan slegs gelees word deur die fone wat dit stuur en ontvang.
Hierdie pogings moedig jou aan om iets af te laai wat nie bestaan of moontlik is nie. Jy betaal eintlik vir malware wat jou eie boodskappe lees wanneer jy dit op jou foon laai.
Laastens –
Hopelik het jy reeds die verstelling verander wat jou Whatsapp-details (telefoonnommer, naam, ens.) met Facebook deel en sal Facebook nie jou Whatsapp-rekening toeganklik maar vir 13 miljoen Facebook-gebruikers nie.
Meer inligting oor dié kontroversiële beleidsverandering deur Whatsapp kan op die volgende bladsy gelees word: http://www.mirror.co.uk/tech/you-can-stop-whatsapp-sharing-8893949
[ARTICLE DEUR DAVID WILES]
Gemorspos = geblokte rekeninge
Donderdag, Oktober 6th, 2016ʼn Gemorspos het verlede week soos `n veldbrand op kampus versprei. Toegang is tot sommige personeel en studente se Outlook wolkpos verkry, omdat hulle gekliek het op ʼn skakel in ʼn phishing e-pos. Die slagoffers se e-posadresse is gevolglik gebruik om gemorspos aan hul kontakte te stuur. Aangesien die e-pos vanaf ʼn @sun adres gestuur is, het ontvangers geen onraad vermoed nie. (Sien onder ʼn voorbeeld van die betrokke e-pos, met die vals skakels verwyder)
Weens die massa gemorspos wat vanaf die e-posrekeninge gestuur is, het Microsoft outomaties hierdie gebruikers se rekeninge gesluit en kon hulle nie e-pos gebruik nie.
Onthou om altyd bedag te wees en uit te kyk vir die kenmerke van phishing. Net omdat ʼn e-pos vanaf ʼn universiteitsadres gestuur word, beteken nie noodwendig dat dit veilig is nie.
Indien jy skielik nie toegang tot jou e-pos het nie, kontak die IT Dienstoonbank. (x4367). Indien jy op ʼn potensieël gevaarlike skakel gekliek het, verander dadelik jou wagwoord.
From: Known address <knownaddress1@sun.ac.za>
Sent: 05 October 2016 12:26 PM
To: SU address <knownaddress@sun.ac.za>
Subject: PI Doc copy
Please confirm PI doc copy below using Google documents
for your account to be credited.
Kind regards
Hoe om gemorspos te voorkom
Donderdag, Maart 17th, 2016Gemorspos is ongewensde massa e-pos. Dis dikwels winsgewend vir die versenders aangesien miljoene e-posse in `n enkele veldtog gestuur kan word teen `n lae koste. As slegs een ontvanger uit 10,000 `n aankoop maak, kan die versender `n wins maak. Ongelukkig is gemorspos meer as net `n irritasie. Dit word ook gebruik om malware te versprei.
Hier is `n paar wenke om te verhoed dat jou posbus oorloop van ongewensde, twyfelagtige e-posse.
Moet nooit iets koop deur gemorspos nie.
Deur iets te koop, befonds jy toekomstige gemorspos. Jy bevestig daarmee dat jou e-pos geldig is en jou e-posadres word dan bygevoeg op `n lys om te herverkoop aan ander gemorsposversenders. Jy sal derhalwe nog meer ontvang en stel jouself bloot aan moontlike bedrog.
Ken jy die persoon wat dit stuur? Nie? Vee dit uit.
Gemorspos kan malware bevat wat jou rekenaar besmet as jy die e-pos oopmaak.
Moenie die voorskou-opsie in jou e-posprogram gebruik nie.
Versenders van gemorspos kan sien of jy na die boodskap gekyk het, al maak jy dit nie oop nie. Die voorskou-verstelling maak inderwaarheid die e-pos oop en laat weet die versender dat die boodskap ontvang is. Wanneer jy e-pos lees, kyk na die onderwerpreël en probeer daarvolgens bepaal of dit gemorspos is.
Moenie jou e-pos onnodig blootstel nie.
Die grootste faktor wat bepaal hoeveel gemorspos jy kry, is hoeveel jy self jou e-posadres aanlyn blootstel. Hier is `n paar slegte gewoontes wat jou risiko verhoog:
– Jy stuur e-posse na adreslyste wat aanlyn gestoor word.
– Jy gee jou adres vir aanlyndienste waarvan die privaatheidspraktyke twyfelagtig is.
– Jy stel jou adres op sosiale netwerke bloot (Facebook, LinkedIn, ens.)
– Jy gebruik `n adres wat gebaseer is op jou naam, van en maatskappy.
– Jy gebruik een e-posadres vir werk en persoonlike sake.
Gebruik die bcc-veld as jy vir `n groep mense e-pos stuur.
Die bcc of blind carbon copy veld steek die lys ontvangers weg. As jy al die adresse in die To veld sit, kan almal, ook gemorsposversenders, dit lees, en by hul eie adreslyste voeg.
Gebruik een of twee sekondêre e-posadresse.
Wanneer jy webgebaseerde registrasievorms of opnames invul en daarna nie weer gepla wil word met inligting nie, gebruik `n ander, sekondêre adres vir die doel.
Kies om nie inligting of aanbiedinge te ontvang nie.
Wanneer jy vorms op webwerwe invul, kyk vir die boksie wat jou die opsie gee om nie verdere inligting of aanbiedinge te ontvang nie. Verwyder die merkie af as jy nie gepla wil wees nie.
Neem kennis dat al hierdie inligting geneem is van die Sophos Threatsaurus, saamgestel deur Sophos, `n sekuriteit sagte- en hardwaremaatskappy.
SARS e-pos mag gebruikers bedrieg
Dinsdag, Oktober 15th, 2013Vir die gelukkiges onder ons, is dit weer tyd vir SARS se belastingopgawes. Ongelukkig weet die kriminele elemente dit ook en telkens die tyd van die jaar, ontvang gebruikers e-posse wat klaarblyklik deur SARS gestuur word en `n belasting terugbetaling belowe. Al wat jy moet doen is om op `n skakel te kliek, aan te teken, jou bankrekeningdetails en wagwoord te gee en jy kry jou geld!
Natuurlik is dit `n klassieke geval van “phishing”. Moenie eers reageer, na die webwerf gaan of die aangehegte leêr oopmaak nie, aangesien dit jou banksekuriteit sal blootstel. Hier is `n voor-die-hand-liggende redes hoekom jy dit as `n swendelary moet herken:
1. SARS het jou bankdetails op rekord en dit word op `n sekure bediener en in geënkodeerde formaat gestoor. Hulle het nie nodig om jou weer te vra om jou bankdetails te bevestig of te verskaf nie.
2. SARS sal jou altyd SMS of aan jou `n geregistreerde brief deur middel van pos stuur om jou in kennis te stel van enige betalings. Hulle sal jou nie kontak d.m.v. `n onsekure medium soos e-pos nie. Buitendien het hulle ook genoeg inligting om jou persoonlik aan te spreek en nie met `n vae “Dear Taxpayer” nie.
3. Daar bestaan nie `n returnfund@sars.co.za adres nie.
4. Die aangehegde leêr is gewoonlik `n html (webblad) leêr wat lei na `n vervalste webwerf op `n onwettige bediener erens oorsee.
5. Die bedrag is altyd in die omgewing van R9 250.75
6. SARS sal jou nie op jou universiteitsadres kontak tensy jy dit gegee het as jou primêre adres nie.
Indien jy wel na die webwerf gaan, moenie jou bankrekening-details, kredietkaart-details of wagwoord invoer nie – dit sal aan skelms die kans gee om op jou bankrekening aan te teken deur die internet en beheer te neem oor jou bankrekening. Hulle kan dan hulself as begunstigdes byvoeg, al jou geld in hul rekeninge oorplaas en die bewyse wat hulle impliseer uitvee.
Hierdie tipe e-posse sal nooit ophou nie en dis bykans onmoontlik om dit te blok, omdat die kriminele hulle adresse, details en metodes op `n daaglikse basis aanpas. Die beste verweer is om hierdie e-posse in die junk mail leêr te sit, die domain waarvan dit gestuur word op die swartlys te sit en die e-pos dadelik uit te vee.
Hoekom hou hierdie kuberskelms aan om hulle e-posse te stuur? Want mense val telkens daarvoor. In 2012 was Suid-Afrika die 5de hoogste land wat “phising” betref, net na Indië, Kanada, Amerika en Brittanje en `n beraamde R14 miljoen is verlede jaar van Suid-Afrikaners gesteel.
[ARTICLE BY DAVID WILES]