Weens die hoe koste van ‘n BTK Outeniqua toer is daar besluit dat die Maart toer die natuurskone Twee Riviere sal wees. Die roete begin in die Klein Karoo op Van Wyksdorp, naby Ladysmith, waar daar vir die eerste paar dae langs die Grootrivier afgestap word en dan vir twee dae langs die Gouritsrivier. Die roete eindig net na die poort van die Gouritsrivier.

Die roete, wat laas in 2008 gedoen is, is ‘n lekker rivierstap waar daar elke dag heerlik geswem kan word. Die roete is nie te uitdagend nie en beloof om boonop baie bekostigbaar te wees!