Visrivier 2022

Dinsdag, 14 Junie

 

 

 

 

 

 

Dis ‘n vroeë, koue en nat oggend in Stellenbosch. Selfs proteste en uitgestelde eksamens kon nie díe BTK toer afstel nie. Helfde van die selektiewe studente staan agter die gepakte bus, reg vir avontuur, die ander helfde berei nog voor vir daai laaste vraestel.

Nuwe gesiggies, ou stappers, dieselfde opwinding vir Stap Nou.

Die Visrivier voel vêr en die N7 lê uitgestrek voor ons. Dis stil terwyl laat eksamen aande nog naby in ons geheue lê en ‘n diep slaap daal oor die bus met elke shhhh shhhh op die nat teerpad.

Misverstand deur Irma Joubert word oppad ontleed, Klawer se piepiestop word deur ons slapende voorsitter geblok en die geselsies begin net na Garies teen die reën op die ruite kompeteer. Ons tel vir Marietjie in Springbok op en nou word daar eers gesels.  

Deur die grens en oor die rivier (na Jannie en Andre besluit het om heeeeeel laaste hulle stamps te kry). Gelukkig het Jannie dit deurgemaak sonder ‘n background check op daai foto wat nie heeltemal sy huidige beeld verteenwoordig nie.  Die Woestynland begroet díe halwe span met sy natuurlike glans van die Noordoewer se kliphange, ‘n ligte windjie wat die rivierbanke afkoel en prysenswaardige klipduine wat tussen niks en nêrens strak staan.

Almal sit vasgenael teen die ruite en neem die Namibiese suide in. Soos Jannie sê; hier groei niks ‘so’ hoog. Dit verg ‘n skewe kyk van die trotse Namibier wat agter hom sit.

Ai-Ais en Oom Erik begroet ons in die stof nat met ‘n volle reënboog en trotse glimlag.  Vanaand is ons glampers met warmwaterbronne as fasiliteite en hout vir die geselligheid. Daar word geswem tot die suiderkruis hoog sit en vinnig vinnig is die kampterrein bewus van die BTK wat vanaand hier uitkamp. Met lag en kitaarsnare word ou stapstories spontaan gedeel.

De Wet word genomineer as 2023 voorsitter, en hy is klaar keen vir die Gondwana lodges se rekkie uitstappies. Tinkies is ‘n hoogtepunt want “so vars, het jy hom nog nie uit ‘n pakkie gekry nie”. Oom Erik stook koffie water, en Fred gooi ‘n benoude waarskuwing dat sy pa “net nie die water moet aanbrand nie”. Ons kry môre se blikwassers jammer vir hulle moeilike job.

Die konsep van jukkels word verduidelik en voorbeelde van vorige toere laat ons lê soos ons lag. (te danke en martin en reinhard in hulle afwesigheid). Slee word bewustelik more aand geopen as die groep 2/3 vol is so daar word met verwagting uitgesien na aand 2. Misverstand kom maak gou weer sy verskyning.

Wat ‘n voorreg om die eerste aand onder die Namibiese sterrelig af te skop op die noot van “in die in die Hemel is die Heer.” Mens voel Sy almag vanaand opnuut onder die helder volmaan en omring met mense wat saam Sy lof besing. Visrivier, jy oortref al klaar elke verwagting.

Woensdag, 15 Junie

 

 

 

 

 

 

 

 

Vanoggend het ons ‘n eerste vir die BTK, ‘n laatslaap oggend. Ons voorsitter wys vir ons hoe word dit gedoen en maak sy verskryning uit die vere net ‘n paar oomblikke voor die sonnetjie oor die kliphoogtes kruip. Mia en Jacolene sit styf en kouuuuud kry in die skadus van die kampterrein se palmbome.

Tinkies maak weer ‘n starring appearance vir ontbyt en De Wet word dadelik aangespreek oor hy sy 4de een in die sak prober steek. Spoiler: wonder of dit dalk was wat sy sak so swaar gemaak het vorentoe?

Daar kom ‘n stofwolkie oor die horison en een uit die twee van die karre wat vandag by ons moet aansluit, “is gelukkig veilig”. Daar is ‘n oomblik van stress toe ons besef die tweede kar is al 4 uur oor die grens en moes al LANKAL by Ai Ais gestop het. Maar moenie te veel stress nie, terwyl ons op die landlyn is met Boplaas, nee skuus, Hobas, en wonder wat als kon gebeur het, stop die 4 dames veilig en in een stuk. O en hoe kan ek vergeet, hulle stop in een stuk en met vol magies, want ‘n lodge ontyt was ingewerk tussen die grens en ons wat vir hulle sit en wag. Kristi weet nou nog nie of Jacolene regtig vir hulle vies is en of dit net ‘n grappie was nie.

Almal sit hande bymekaar en groepie kos word uitgedeel. Admin is wild en uiteindelik is almal se sakke bietjiie swaarder gelaai. ‘n Bobbejaan maak verskyning van agter die klippe en skielik moet Jakobus sy snacks red. Needless to say, die een meedinger ken die terrein en los vining ‘n stofwolk agter terwyl die ander darem nou dankbaar kan wees vir ‘n ligter sak.

Eerste middagbroodjies word gesmeer terwyl die manne die bus laai. Ons sluit die glamping af met komkommer en cream cheese broodjies op ‘n gedekte piekniek tafel uitgepak.

Ons spring weer in ‘n nou bietjie voller bus en tussen papiere op papiere, nog vorms en penne wat nie meer werk nie, word daar n paar stowwerige frisbee lesse deur Kobus en Jannie aangebied. André wys Nellie se ‘excellent muscle condition’ uit en skielik wonder die res van ons of ons werklik die stappie gaan oorleef met ons ‘good’ spiertjies. (Spoiler: gelukkig weet ons darem nou ons almal is genoeg).

Helaas, spring ons ‘buslis’ nou vir die laaste keer terug in die bus oppad na die begin punt van die uitstappie.

Voor ons lê die Visrivier oopgestrek en diep. Baie diep.

Die afdraende vang ons almal bietjie onkant en die bene bewe op díe 2km. Hoogtevrees teiken sy kalante en klippies voel skielik los onder ons voete. Die son gooi rooi/pienk en oranje patrone teen die klip en hou ons in verwondering met elke gefokuste tree. ‘N vinnige koue swem wag vir ons onder en toe is almal sommer honger en reg vir aksie.

Vanaand doen ons als in groepsverband, kook, eet en slee. Die sand veroorsaak vir ongeballanseerde stofies en cinnamon vla, of wag was dit mieliepap?

Dis ‘n windstil aand en die vol maan se strale hardloop oor die hange. Hulle speel oor die water poel en reflekteer die berg in helder duidelikheid. Wat ‘n agtergrond op vanaand se slee.

Items word uiteindelik geopen deur Frederick se Belade van ‘n sterwende bok deur NP van Wyk Breytenbach. Hierde keer is ons voorsitter se bokkie aan covid uitgelewer. Jannie dra die ‘Kooivallei se optimistiese appelsmous’ met oortuiging oor. Hy en Hilda gooi ‘n Karen Zoid nommertjie met die kitaar en Kazuu. Talent word vanaand na vore gebring. Frederick en De Wet is steeds op soek na die Pikkewyne in Prieska terwyl, Stefan , Fred en Mia lewenslessies vanaf die grens met ons deel. De Wet, Jacques, Petri en Kobus is nogsteeds nie seker hoe laat dit is nie maar ‘dis tyd’.

Jukkels strek van Jannie wat sal byt tot Kristi wat hoop op die man voor haar se hand. Edelagbare Oom Erik word darem direk en opreg aangespeek vanaand.

Slee is vir die dames en daar word uitgekamp onder verskietende sterre (daar was net een maar julle weet, digterlike vryheid behoort aan die sketskrywer wat op die spot aangestel is)

Donderdag, 16 Junie

 

 

 

 

 

 

 

Nog ‘n rustige oggend op die Visrivier se banke, Die dames besluit hulle SAL bly lê tot die stokers hulle stemme opwarm. Ons word ‘wakker gesing’ met ………… en groupie 1 se water is eerste reg. Petri ons ervare stoker.

Dis dag een op die rivier Cobus het klaar iets uit die rivier gevis. Ons het vergeet om die man te vra of hy daai aand droog geslaap het na sy tent twee keer moes red. Fred en André betakel die spreeus met klippe en Amy is amper in die spervuur.

‘n Nuwe addition op Sibbie se menu is lady fingers as ‘n weetbix ontbyt. Lyk my ons sub poeding vir pap en pap vir poeding op hierdie trippie? Dis tyd dat ons kosma haar hand op dinge kom kry.

Nellie sit as scout en spot die laatkommers waar hulle in ‘n stofwolk ons kampterrein betree. Ons is uiteindelik voltallig en die aksie begin!!

Johan en marguarite verduidelik skiet en sjoe, kom ons hoop nie die sand maak die hardloop storie vir die res vandie trip so ingewikkeld nie. (spoiler: Min het ons geweet).

Hoede word gegryp en die ys is gebreek hier tussen vriend en vreemdeling.

Ons het ‘n ‘regte’ verjaarsdagmaatjie vandag en tussen sang en spring word Jacolene die lug in ‘gepos’ net na manne mooi hoor dat ‘vang nie optioneel is nie’. Hierna is dit “sakke op” en sand stap.

Dis vir die skrywer ‘n voorreg om die dag te geniet onder die Namibiese sonskyn, met lekker lekker mense wat die dag verhelder, en díe natuurwonder vanuit ons Hemelse Vader as speelgrond op haar verjaarsdag.

Game break is iets vir die voëls en ons stap tot middagbroodjies. Hier tussen klip en klip word ons eerste toeriste stadig maar seker aan uitkyk blootgestel. In sy tien toere word ons wraakkaptein vir die eerste keer gebreuk deur di eerste uitkyk van die toer. Hmmm mmm, De Wet. O die soetheid van die wraak.

Net soos die windjie weer optel, tel die studente weer sakke op vir n lang middag stretch, hoe lank het ons nie geweet nie.

Die middag stap ons deur die sand, in die sand, en tussen sand. Petri, Heidi en Jacolene stap rustig van agter as die dag se slot en sy twee sleutels. ‘n vinnige foto word georganise by die ‘bekende’ en raaiselagtige bromponie en daar word 10 000 stories uitgedink van hoe die outjie hier te lande gekom het.  Die tree raak tam en almal se spiere begin teepraat. Ons vat ons eerste shortcut en daar word gescout vir wilde perde. Want joh, verwagtinge is hoog na Nellie van die facebook adverstensie perde vertel het.

Die skemer le al laaag in die vallei toe Fred uiteindelik kamp aankondig en die badwater is koudddd. Skiet word oopgemaak tussendeur wasgoed ophang en badsakkies bêre. Sand spat en dames word so stuk stuk gedeps vir die aand se slaapsak kuiers. Maar eers moet ons die manne se magies vol kry.

Honger is vanaand die beste kok, en beertjie poeding is ‘n hoogtepunt. Strategies deur ons kosma op die menu geplaas vir haar eerste aand in die kamp. Die eerstetoeris manne kyk die slee set-up stories eers met sku ogies uit en val toe maar vining in met die seiltjies uitgooi. Diep slee word dopgehou maar daar word diep in die slaapsakke gekruip langs die water.

Fred begin weer die aand met die Balade van ‘n sterwende bok, deur, uhm wie nou weer?’ o ja, Ingrid Krog.

Items:

-Belade van n sterwende bok

-Mario en Luigi (fred en johan)

-Koppe te koop (Annie, Leana, Henco, Bernard, Sibbie en Marietjie)

-Hans en mans (fred en pf)

-Yesterdie (Sibbie en Amy)

-Blou Yskas (PF, De Wet, Fred, Mia, Marietjie)

-Melkboer (Hilda en Jannie)

Jukkels:

Vanaand se jukkels het vir PF gelooi. Hy was bevraagteken oor die zips op sy langbroek, sy kuite en sy slee intensies. Tenminste was sy persoonlikheid deur Cara affirm. Nicola was gevra om te verduidelik oor haar leuse van ‘stap hard, drink hard’ en was vir Petrie gevra  oor sy ‘met die klippe gedans’ analogy. Laastens was Andre gejukkel oor hy vir Amy as ‘n teiken besklu het. Hy het wel homself  verdedig deur te se sy het in die spervuur ingestap terwyl hulle spreeus looi met klippe, en haar toe net as n groot spreeu beskryf.

Slee behoort aan die manne en ons word gewaarsku vir ‘n vroeë oggend more. Oom Erik is vroeg bed toe met koue koors en ons word ingelig at ons more kontak met Hobas gaan maak ingeval dinge deur die aand vererger.

 Vrydag, 17 Junie

 

 

 

 

 

 

 

 

 

Ons eerste vroeë oggend op hierdie stap. En skielik voel ‘n half 6 redelik baie vroeg. ………. weergalm hard in dameskamp. Die stokers is wakker, dan moet die kamp opstaan.

Dis ‘n vroeë oggend onder maanlig, pap word vining geeet, kopliggies opgesit en sakke gelaai. Die dames se tente is eerste af en ons staan maar in ‘n treintjie om hare te vleg en skouers te masseer.  Die manne is reg en ons raak vir ‘n oomblik stil in die Heer se teenwoordigheid onder lyding van Oom Erik se voorlesing uit Psalm 37. Ons het ook geleentheid om hand op Oom Erik te lê, voor ons in die pad val.

Ons stop by die eerste nooduitgang en planne word beraam. Namibië spanfoto word geneem en eerste groete word traag gegroet. Jannie en Fred mission saam met Oom Erik uit en die sataliet foon dien sy funksie. Ons weet eindelik nie mooi hoe Johan voel om weer fluitjie te vat nie maar aan sy brieke is daar nie fout nie. Ons gooi daai eerste stretch oor die sand maar almal is energie is nog hoog en keen vlakke hou ook by.

Ons word verras met ‘n warm waterbron en ‘n vinnige breukie. Die stang van die swawel het ons so bietjie onkant gevang en ons nog ‘n entjie daarna bygebly. Marne en Marguarite wens dit was ‘n kampplek want ‘sjoe hier sal shampoo bad lekker wees’. Jacques het hulle sommer opgeneem hierop ‘n vinnige swem/badsessie ingewerk.

Sweeties word sommer tussen almal gedeel weer vining in klein sakkies ingestop toe Johan ‘sakke op’ call. Ons mission hoor. Sand en sand en klip en klip. Views bly mooi en die terrain bly hard. Ons bly redelik langs die rivier en tussen die koel water wat langs ons skitter en average geselskap, hou dit die pad kort.

Eerste game break (vir die toer) en almal is keen vir ietsie souts. Pretzels en peanuts word uitgepluk en almal is keen dat hulle snacks geeet word. Die uitkyk sirkeltjie vorm en die eerste toeriste word stil en wag. Die sirkeltjie moet hulle man staan want joh, hier kruip Nick omtrent deur die sand, Cat bespring hulle en klouter van bo (vooruitskouing van troepe) en Jakobus bekyk die storie eers van ‘n afstand voor hy die uitnodiging uiteindelik aanvaar.

Ons besef dit was ‘n strategiese breuk want joh, body batteries moes van 5% af weer recharge en ons besef dat ons nog net 6 vanuit die 23 gedoen het. Stap stap stap. Vandag is tough. Die sonnetjie bak ons van bo en verwagtinge was nie heeltemal vir hierdie ingestel nie. Die eerste toeriste se stemme klink hard van agter in die treintjie en Dan vat voor om seker te maak dat almal oppit is voor vanaand se wraaaaaakkkk. Ek dink De wet het sy fair share van de magtige koning ingekry maar Cara en Leana se geselskap het surely die agter stap die moeite werd gemaak. Middagbroodjies kan nie vinnig genoeg kom nie en sodra ons oor daai sandduintjie kom was daar in die vlak vlak water gaan lê. ‘Kan ons hier swem? Andrê antwoord die benoude vragie met ‘n selfversekerende ‘Ons kan defnintief hier swem!’

Hier word skoene uitgeskop, tuna dadelik oopgemaak en stroopbottels word gedeel. Vinnige naps word op die nat sand gemaak en almal is dankbaar vir bietjie skadu en saligheid. Dit hou toe ook net so lank. Want 6 toeriste moet nog uitgekyk word en die wraak is net 6 ure, 72 minute en 34 sekondes weg. Net soos die laaste dagbreek jar vir sy lot geroep word, kom Jannie en Fred om die draai. T vir toevallig. Daar word ‘n happie sjokolade gehap en oor die water gehardloop om deel te vorm van hierdie oomblik. Die res van die storie bly seker maar binne die uitkykkring.

Jannie bevind homself op sy maag in die middel van die stroompie. En toe op sy rug, en toe weer op sy maag, en weer op sy rug. En toe net stil. Die manne is flou. Hulle het gewikkel hoor en skynbaar net gestap maar as ek nou op die makkapan kan verklik, dan het hy vertel dat hulle elke nou en dan ‘n bietjie spoed gevang het oor die klippe. #FOMO

Skiet is OOOOOP en almal is weer wakker. PF maak die tackle van die toer en Hilda het hom darem ‘n step of twee gegee voor hy haar met strategie gevang het. Hier intercept Fred ook vir Kristi by Petri, met Petri maak op en skiet ‘n lekker slee date.

Dis hier waar ons besef daar moet ‘n 5 minute warning geroep word vir ‘skoene aan’ voor ons weer kan ‘sakke op’. Van hier, vat ons huidige voorsitter weer voor en ons ou voorsitter speel scout. Hy roep vir Nellie en Jacolene om te hoor of ons die wilde perde gesien het? Wragtag. Hier is Nellie se facebook advertensie toe die reine waarheid. Sakke af en seer voete vergete, hardloop ons oor die klippe terug na die rivierbanke. Daar is actually lewe in die visrivier. Bewilderd kyk hulle hoe hierdie troppie stappers oorkant die rivier staan en kyk.

Ons vat die harde terrain weer vas en mission langs die kliphopies en deur die stofpadjies. 2 rivier crossings later en meeste van ons het darem nog droë voetjies, maar sjoe, seer lyfies.  Die dag raak nou lank. Ons game break op die klippe en in die skaduwee. Mens sien nie eers meet groepies wat vorm nie. As Fred se sak af is dan is dit asof almal neerplak op die naaste plat klip. Of soms nie eers ‘n plat een nie. Game blikke word sommer so oor en weer gegooi en slee pille word ook nou al omgestuur vir daai ekstra wine gum energie.

Hiervandaan raak die sand sag en die wind tel op. Ons stap nog so rukkie langs die rivier (sien selfs ‘n paar bobbejane so tussen die klippe gekammofleer) en dan draai ons ‘binneland’ toe. Elke nou en dan word daar gestop om in ‘n sak te grawe vir ‘n paar panadotjies. Ons vat ‘n vinnige detour en loop amper ‘n ander muur van die kanyon raak, maar gelukkig word ons kaart vining weer reggedraai en ons slot (De Wet) voel vir so paar meter hoe dit voel om voor te stap. Hoe Fred die Skrif aanhaal, ‘Wie laaste is sal eerste wees’,

‘n Gemaklike stilte stap tussen deur díe groepie BTKers terwyl hulle die middagsonnetjie se laaste strale jaag. Of so het ons gedink. Die son verdwyn agter die kliphange maar nee, ons kappitan rum steeds voort. Dit raak nou ‘n lang dag. Weet nie of ek dit al gese het nie? Ons stap nog 2 wilde perdjies raak en die vinnige asemskep oomblik gee vir Amy die kans om uit haar skoene en sokkies te spring. Met bebloede hakke pak sy die laaste kilos vir die dag in plakkies aan. Desperate times…

Ons tref die 40km klip en ons almal is soos ‘surely?’. Jannie call dit nog 10 minute en werklik waar, 9 minute later stop ons langs die water op die mooiste wit sandbanke. Jy moet weet, as nie Heidi of Sibbie dadelik hulle groepies se kos uit die sakke soek nie, dan word daar nou eers deur almal ‘n oomblik van asemskep gevat.

‘n Hele rukkie later en tentjies staan gespan en kopliggies beweeg terug kamp toe na ‘n koue koue rivier bad. Dankbare gelag vul die area en die kospotte van Egipte word vanaand bedien. ‘n Pot pesto pasta het lanklaas soveel vreugde gebring. Groepie twee is sommer keen vir die dag se triomf vier, en Nick wil alte graag hot choloate vir sy groupie uitdeel. Hy verstaan toe nou glad nie toe al die ou toeriste sy soete aanbod van die hand wys nie. Daar word by groepie B gebrag oor hulle ekstra slab choc wat uit ‘n sak gekom het en ons wonder maar in stilte wie dit ‘verplaas’ het by middagboodjies. Klink my darem nou asof almal probeer opmaak vir poeding wat missing is op die menu vanaand?

Ons wraakkaptein trek amps en die griep gogga het hom ook gebyt. Hy word wakker vir die wraakkonsert en duik daarna weer die onder die vere. Dit lyk nie goed nie en daar word klaar weer gepraat van hoe vêr more se nooduitgang is.

0 sekondes en die wraak skop die items vir die aand af en daar word n uitstekende konsert opgevoer.

• Bernard (kombi drywer)
• Dan (kombi wat soos familie voel)
• Alicia (trekker)
• Jakobus (fred)
• Henco (oupa)
• Leana (nat steenkool)
• Cat (mayo)
• Nick (seun)
• Annie (tier)
• muller (mens)
• Sinnan (alladin)
• Jacques (pikkewyn)
• Cara (sirkus)
• emma (brood)

Items

-Lightshouse

-Cinema

-Bottelstoor (Jannie en johan)

-Twee suckers op ‘n stick (johan, mia, pf, henco, bernard)

-Rokers (hilda pf)

Jukkels

-Jacolene wil by Hilda hoor wat sy bedoel het toe sy gese het, ‘ek hou van sy van, ek hoop om dit eendag te hê’

-Alicia wil by Jacolene hoor wat sy bedoel het toe sy se dat sy Stefan se silouette enige plek sal uitken

-Daar word vir PF gevra wat hy bedoel het toe hy aangehardloop kom en sê ‘Skuus ek het net gou jn haar oë gekyk’

-Mia wil graag hê Amicke moet verduidelik van toe sy gesê het, ‘sjoe maar ek he ‘n lekker slee date

-Andre moet ook met die groep deel met wat hy bedoel het toe hy sê, ‘hiervoor sien ek al die hele trippie uit’.

Die maan skyn helder oor ‘n moeë groupie kampers and jukkels maak toe na ‘n lang rukkie van net wees onder die sterrenag. Slee behoort aan die dames en die manne groet met ‘n laaste waarskuwing om slaapsakke te check vir enige moontlike kruipers wat hitte kom soek.

Saterdag, 28 Junie

 

 

 

 

 

 

 

Die stokers klink vars vir die tyd van die oggend  en ons tydelike kampterreintjie begin wemel. Almal sukkel met sakke op vanoggend want tussen tone en die einste griepgogga, word ons troepie getakel.

Voete word nog ingeloop en al die nuwe pyne en skete word nog uitgefigure. Ons stap langs om die eerste draai en af in die vallei op breë sandbanke. Die lig begin net die water glans optel en die mooiste fotos word geneem van die strale wat dans oor die voorste ry stappers.

Ons het ‘n doelwit vir lunch en 7 uit die 15 kilos is afgelwe teen ons eerste game break. ‘n Land van kontraste het hulle gese en ‘n land van kontraste het ons gekry. Onder die kameeldoringboom sit ons in skadu. Water word daar onder by die rivier gaan skep en ‘n paar waterdraers kry hulle eerste elevation vir die toer in.

Na bietjie skadu en appelkosies, is almal weer reg om te gaan. Dit klink amper of ons net eet, stap en chat, maar dit klink my maar na jou gemiddelde BTK staptoer. Almal is opgewonde vir ons volgende stretch want ons weet wat hoe ver dit inhou.

Dis hier waar ons kamera manne besef hulle het nie hulle lense verniet ingepak nie, en daar word ‘n paar natuur kiekies geneem.

Gepraat van opwinding, Sibbie se glimlag se daar is niks so lekker soos om jou voetjies in die koue water by ‘n middagbroodjie stop te sit nie. Mag ons altyd die klein goedjies in die lewe so waardeer.

Na die stop in díe stroompie, is magies vol maar hartjies swaar. Ons groet vir Marietjie, De Wet en vir Jannie. Hulle word met ‘n luxury safari bakkie opgetel maar sjoe min het hulle geweet dis net die begin van ‘n lang pad. Vra hulle bietjie om die storie van hulle terugtog  met jou te deel.

Fred en Mia se sakke word ook gelaai en hulle maak al reg vir vanaand se 15 kilometer aand mission (na items, let wel). Daar word ‘n paar middagslapies onder die Namibiëse winterson gevat. Sokkie en kouse, oros en orros. Gooi ‘n groep mense bymekaar wat boer van Namibië tot in Mosambiek en jy kry ‘n paar dialekte van ons jong taal.

Skoene is aan oor al die pleisters en hierdie voetjies moet vasbyt vir sand stap vanmiddag. Ons loop wel ietsie interressants raak so net oor die eerste vlakte. Die geheimsinnige graf word deur ‘n paar brawe stappers verkyk en Heidi sien ‘n wit pyltjie wat aandui dat ons huidige rigting, dalk weer verkeerd is. Ons mission maar so verby die grafsteen oppad na ons nuwe ware noord. Die eerste mensgemaatke platvorm lei ons oor die rivier en ons spot ‘n honeymoon suite net anderkant die sementblad. Nader lyk dit meer asof dit baie lank terug as ‘n snoepie kon dien maar wat hulle jaarlikste budgeted inkomste was, kan ek jou nie se nie.

Twee wilde shortcuts verg dat die groep koppies moet uit klim en n paar asempies jaag met die skielike elevation. Gesels hou ons maar gefokus op mekaar en stories word verruil en grappies vertel so tussen deur die asem skep deur. Seer voete word in die water gedruk by elke vinnige stop en ek dink almal is teen die tyd experts in vetersvasmaak met die spoed wat skoene aan en uit getrek word.  Die stofwolkies styg en die wêreld is droog. Spoor in spoor, tree vir tree. Mens se oë beweeg van die groen crocs op die sak voor jou, na die klipstapel waarby jy verbystap en verder op na die hange wat hoog bo ons uittoring. Dis bar en harde wêreld, veral as mens so bietjie verder van die waterstroompies beweeg.

Ons stop 4uur vir ‘n game break en teen die tyd is almal horlosies al pap en het niemand ‘n idee van hoe ver nog nie. Fred verras ons met die nuus dat ons sommer net hier kamp opslaan. Wat ‘n blessing!

Soos ons tentjies begin oppop, blyk dit asof swaar donker wolke wil kom ondersoek instel van wat hier langs die rivier banke aangaan. ‘n Alleenloop jakkalsie het self ook kom loer en rondsnif. Want sjoe, as Sibbie ‘skiet is oop’ skree, is die aksie defnintief iets om te aanskou.  Die sand spat en daar word oor en om die klippe gehardloop. Dis wild. So wild dat ons selfs tone moes oopmaak na die geskietery.

Nou word daar vining ge’bad en gewipe voor die windjie ons heeltemal wegwaai of nat lywe verkluim. Die manne lyk opnuut snazzy met hulle kraaghempies en stoutjies. Ek weet nie of die ‘n eerste toerisdame se ogies so groot gerek het oor die feit dat mens nog na 4 dae, ‘n platgestykte hemp uit ‘n staprugsak kan haal, en of die manne in das en pas net so uitgevat gelyk het nie. Die dames haal ook uit en wys met ‘n staffie uit een van hulle sakke. Lipstaffie. Getooi in rooi lippies word daar saam fotos geneem, gelag en sommer net mekaar vermaak.

‘n Paar druppeltjies val terwyl die kospotte gestook en tone geplak word. Dis asof die weer saam met ‘n paar van ons ou toeriste besef dat ons vanaand weer ‘n paar laastes saam geniet in inneem.

Poeding is gelukkig weer op die menu en magies is vol! Behalwe op Jacques se menu wat blykbaar bestaan het uit sy pap, sy gropie se oorskiet pap en enigeiemand anders se oorksiet pap. Dis ‘n eerste maar ‘n great advertensie om te weet dat op BTK pap alleen kan daar oorleef word.

Die slee word vanaand eers onderbreek met ‘n spesiale geleentheid. Ons almal voel Marietjie se afwesigheid vanaand in die kring terwyl haar boeta en marguarite saam met Hilda die kringejtie betree. Die gewig van die drie spesiale se groet is swaar op ons almal waar ons skouer teen skouer staan. Trane loop vrylik en herinneringe hardloop in ‘n warrelwind soos hulle die name van toere en plekke noem wat soveel stories en gesigte vasvang. Ons stuur hulle maan toe mat ‘n dankbaarheid vir die spore wat hulle in die BTK getrap het.  Johan, Marguarite en Hilda, 3 mensies wat ons baie gaan mis as ons volgende groepies indeel. Die stywe drukkies en glimlagte so tussendeur die trane bind ons op ‘n ander manier hier onder die wolke vanaand.

Items

-skop af met vriendinne en hulle visrivier ervaring (fred en johan)

-stoute wouter kabouter (fred en henco)

-hilda met broodjie

-troepe (johan, combrinck, smit, Aladdin (sinan) en pieter)

-kellogs (johan en marguarite)

-I spy (johan en Mia)

Ons groet vir Fred en Mia tussenin items. Hulle pak die laaste stretch van die pad aan en ons hoop dat tussen die donker en die reën, hulle in een stuk by die res van ons siekeboeg sal uitkom.

jukkels

-pf (klink soos boutjies, papsak)

Glo dit of nie, PF is net een keen gejukkel vanaand en hy is ook ons enigste jukkel met die res van slee wat vas slap. Troepe het omtrent vanaand Johan en almal anders se limiete getoets. Die druppels begin val net toe ons sing en daar word gespat om vir almal ‘n tentmaatjie te kry. Tweeman en sommer enkeltentjies word ingerig vir drie en gelukkig weet ons almal slaap droog én warm vanaand.

Sondag, 19 Junie

 

 

 

 

 

 

 

Hier word ons vanoggend kliphard met uptown girl wakker sing. Nee hoor,die stokers het dit alles gegee. Dit het gevoel asof hulle smackbam in die middel van dameskamp staan. Later hoor ons, dat dit toe nou juis die geval was. Beste vir laaste of hoe.

Die nat sand is koel onder verslaapte voetjies en ‘n paar Namibiese stappers se hartjies is vol met die stofreën se bederf. Die rooi stofies word vir die laaste keer gepomp en daar word nadergeskuif soos die bialettis begin prut. Tone word gedettol, genaald en gare en geplak vir die laaste biejtie vasbyt.

Johan vat vir ‘n laaste keer fluitjie en stadig maar seker is die span ook reg vir sakke op. In Johan se woorde, is vandag se stap harde terrain. Nee nee soos lekker harde terrain. Ons mission oor die rivier en maak gou ‘n stop vir waterbottels vol maak voor on sweer die woestyngebied betree. Dis ook hier waar iemand aan die voortou van die groep ‘n besluit om ons slot te herhinner aan waar sy focus moet wees vir die dag se stap. Ons hoop maar die boodskap het maar deur die telefoontjie so by PF uitgekom.

Dis grappies van agter en wind van voor. Daar word met nuwe energie gestap en so lekker gesels. Ons almal huddle vir ‘n span foto en ‘n spesiale oomblik word vasgevang. Van hier verander die omgewing van sand, klip en droeë panne na vleiland. Chats word ingekleur deur NP van Wyk Louw, Sonnet 18 en teologie. Daar word gebie op rugbytellings en ‘n koue bier word op die spel gesit. Sibbie back haar boytjies genoeg. “Amper daar” is relatief en ons vat maar hulle geverfde klippe met ‘n knippie sout. ‘n paar minute later en met palmbome op die volgende draa, call Johan dit nog ‘n ‘4km uitstappie’ en ons kyk hom ook maar so met skewe ogies aan.

Die klok lui en trotse high fives word uitgedeel. Sakke word dadelik dedrop en skoene uitgeskop. Dankbaar vir die Here se beskerming, buig ons ons hoofte om Hom te eer vir Sy handewerk wat ons kon aanskou en vir Sy oog oor Sy kinders.

Provitas word gesmeer maar burgers ook bestel. Onwillekeuring hoor ons wat die rugbytelling was en Sibbie kry haar bier. Nie die enigste een wat n paar min later met ‘n koue blikke in die hand sit nie.

Daar word geduik vir die dam en vir ‘n lekker warm swempie om van elke biejtie stof ontlae te raak. Son, salig en samesyn. Oom Erik is keen vir in die pad spring en ons verloor nog  troepe.

Ais-Ais en wat dit bied word definitief in volle swang deur die kampers geniet. Na die groet van die woestynkoenyne is daar milkshakes gedrink en middagslapies onder die rustige bome geniet. ‘n Paar baljaar nog in die water en ‘n lekker warm stort doen almal goed. Laatmiddag groet ons the BTK legends; Johan en Margariet en die aand word daar aan alles-wat-lekker-is gesmul. Bondel slee en items is dan aan die gang gesit en Hilda lewer die laaste paar van haar treffers. Ons het die ander groottes gemis is, maar dit was net die hupstoot wat nuwes gebruik het om voor te vat.
Die Magaliuesberg se aandlied word nog 1 keer onder die Namibiese naghemel gesing en slee behoort aan die dames.

Items

-gedroggie (pieter, aladin,petri,Bernard,pf)

-hoede (hilda)

-klippies ( nellie, amy, sibbie, micheala, annie, pieter)

-lippe (petri, leana)

-nooi soek booi (Alicia, leana,hilda)

-punchline (sibbie, Bernard, annie, micheala)

-bohemian raps (pf, stokers)

-kaptein

-veldjie vang (aladin, muller, Jacques, Bernard, jakobus, nick)

2h45 is die bus, 15 minute voor sy tyd, vertrek die bus oppad terug Stellenbosch toe. Daar word geslaap tot ons omtrent 6h00 moes aantree by die grenspos. Dinge vat so effens langer as die deurkom slag, maar ons steek steeds voor 2 intercape busse die grens suksesvol oor.

Die busrit is verder vol rustige slapies, lekker geselsies en dagdrome oor die vakansie wat verder voorle. Terrash word in Piketberg geniet en Alladin vat die koek! (of eerder 2 burgers). Met magies vol val ogies toe en ons maak dit veilig tot in Stellenbosch in die laatmiddag. Almal is bly om eerder ‘n bus te moet uitpak in plaas van om dit vanaf die SS brug te aanskou. (Herre is vir sterre natuurlik!) Die toerlied word gesing en nuwe en ou vriende word met drukkies gegroet. Nog ‘n toer verstreke (‘n bogemiddelde een as my my vra) en los ons met dankbare harte, ‘n boksie goue herinneringe (en ‘n kilogram of 2 Namib sand).

Tot volgende keer

Jacolene xx

TOERSPAN

Toerpa: Oom Erik van Zyl

Voorsitter: Frederick van Zyl