Vrydag
Ry dag

Dat Baliesgatberg 2000 (soos dit op daardie stadium niksvermoedend bekend gestaan het) baie dinge, maar veral geweldig interessant sou wees, het ons sommer uit die staanspoor gesien.

Eerstens was daar mans in oorvloed (die toer het begin met 11 meisies en 17 ouens – iets wat maar selde gebeur) – volgens Jean de Villiers sommer ‘n buffet ete! Read More

Opgedra aan Colyn en Corné!

Vrydagmiddag in die kantoor begin Corné sommer klaar om voorspaak te maak vir die groot Quote Page, deur vir Karen te probeer wys maak dat sy blaf erger is as sy byt.

Vrydagaand na heerlike aandete van sop en bood, eet ons vrugteslaai, met kwepers, tot Corné se verligting vind hy hiermee saam uit wat die in die bottel (konfyt) was wat sy ma vir hom gestuur het. Read More

Saterdagoggend, 12 September

Iemand moet dit dalk een van die dae op hom of haar neem om die BTK in te lig oor die feit dat dit glad nie die beste ding vir geesbou is om al 6:30 die oggend by die Neelsie te moet wees nie… Gelukkig vertrek ons net ’n kwartier laat en is ons betyds in Clanwilliam om sommer die nekdoekies vroegtydig te laat stempel. Die bus is stillerig, met die meeste plesier wat gekry word deur Wim se siel uit te trek oor dinge waaroor hy soos die graf swyg. Die bus laai ons by die beginpunt af waar ons eers middagete eet en die kos uitsorteer voor begin stap word. Die veld is maar vaal en uitgetrap vandag, elke nou en dan loop ons in ’n troppie boerbokke vas en Dick word die amptelike “draadsitter” van die dag as hy elke keer die dames oor die drade moet help wanneer Wim so vra. Read More

Dinsdagoggend is darem nog ’n laatslaapoggend omdat ons eers ná 13:00 gaan vertrek. Daar word nog ’n paar laaste-minuut-aanpassings aan die toerlys gemaak, maar uiteindelik vertrek ons op die toer wat JP belowe “baie maklik” gaan wees. Einste JP word toe op Ceres vergeet, maar hy wag ons al weer bo-op ’n steil bult in. Gelukkig herken Solly die BTK-uitrusting en stop darem betyds! Read More

Vrydag, 28 November, die begin van die “Wind-Gala”!

Ons ry half-twaalf vanaf die Neelsie in die Likkewaan en ‘n splinternuwe Elwierda bus. Al is die Likkewaan baie stadiger as die ander bus, gee Wim nie om nie, want hy en Johan Thiart lê ewe gerieflik op ‘n bagasie-bed! By Waenhuiskrans se kampeerplek waai die wind almal lekker deurmekaar en kort voor lank word daar maar skuiling gesoek langs die bus waar daar ‘n woeste naamleer-sessie begin word. Read More