Language:
SEARCH
  • Onlangse bydraes

  • Kategorieë

  • Argiewe

Studente

Afsluiting van kwotas

Maandag, November 25th, 2019

Was-, ete- en  drukkerkwotas word op Maandag 9 Desember 2019 afgesluit.

Balanse van 2019 word teen studente rekeninge gekrediteer. Vanaf Vrydag 13 Desember kan studente weer kwotas by die kassiere vir druk en was fasiliteite inbetaal.

Vir meer inligting, kontak studentegelde@sun.ac.za.

Onthou jy daai fliek wat jy afgelaai het?

Saterdag, Oktober 27th, 2018

Met `n vinnige internetkonneksie en genoeg internetdata is dit vandag moontlik om die nuutste flieks en reekse aanlyn te kyk. En dis heerlik om alles tot jou beskikking te hê – wat jy ookal soek, kan jy aflaai. Dis nou wel nie heeltemal wettig nie, maar hoe gaan `n filmmaatskappy in Hollywood in elk geval vir jou in die middel van nerens opspoor?!

Ongelukkig is dit hier waar jy die fout maak. Tot redelik onlangs het tv-netwerke en filmmaatskappye nie te veel moeite gedoen om die aflaai en verspreiding van onwettige flieks en reeks te kniehalter nie. Dit was net eenvoudig te moeilik en nie koste-effektief nie. Dis egter nie meer die geval nie. 

Informasietegnologie het al `n hele aantal e-posse ontvang vanaf maatskappye soos Warner Bros. en Columbia Pictures wat aandui dat onwettige, kopiereg materiaal afgelaai en versprei word vanaf IP-adresse binne die universiteit se netwerk.  Hierdie e-posse sluit die spesifieke IP-adres, sowel as die naam van die materiaal wat afgelaai en versprei is in. IT word gevolglik genoodsaak om die persoon aan wie die adres behoort te kontak en `n skriftelike waarskuwing te gee.

Die verspreiding (“seeding”) van kopieregmateriaal sonder `n lisensie is beide `n kriminele en siviele oortreding in Suid-Afrika, selfs al is die verspreiding oor BitTorrent. In Suid-Afrika, onder die Kopiereg Wet van 1978, kan dié oortreding jou in die tronk laat beland vir tot 5 jaar en `n boete van tot  R10,000 vir elke item wat jy versprei.

Tussen 2010 en 2012, is 200,000 mense reeds gedagvaar vir die oplaai en aflaai van kopieregmateriaal deur BitTorrent.

So voordat jy die nuutste episode van jou gunsteling reeks gou aflaai op Pirate Bay, oorweeg eers mooi of jy die kans wil waag. Dis dalk veiliger om jou DSTV-inskrywing te betaal of oorweeg om van `n diens soos Netflix of Showmax gebruik te maak.

MEER INLIGTING:

Hoe werk BitTorrent en “seeding”?

http://en.wikipedia.org/wiki/BitTorrent 

http://www.bittorrent.com/help/guides/beginners-guide

 


 

“Office 365 verification” phishing scam from compromised student account

Maandag, September 3rd, 2018

Please be on the lookout for the following phishing scam coming this morning from a compromised student account:

The subject will be “Office365 E-mail Verification” (or a variation) and says that “you recently made a request to terminate your Office365 mail” and to click on a link to cancel this termination.

The mail should be immediately suspicious to most people with common sense and awareness of phishing scams, but here are a few signs:

  1. Why is a student account sending you mail about your “termination” of an Office365 account?
  2. Why are they threatening you to verify or lose your account?
  3. Why does the link point to a site that is not in the university network and is in Brazil of all places?
  4. Why is something as “important” as this being sent in a non-secure email? 

Here is an example of one of these phishing emails that several observant students and colleague have sent me this morning already!

If you have accidentally clicked on the link and given your login details to the phishers it is vitally important that you immediately go to the USERADM page (either http://www.sun.ac.za/password or www.sun.ac.za/useradm and change your password immediately. (Make sure the new password is completely different and is a strong password that will not be easily guessed, as well as changing the passwords on your social media and private e-mail accounts, especially if you use the same passwords on these accounts.)

If you have received mail that looks like the one above, please immediately report it to the Information Technology Security Team using the following method: (especially if it looks like it comes from a university address) Once you have reported it, delete it immediately.

  1. Start up a new mail addressed to sysadm@sun.ac.za (CC: help@sun.ac.za)
  2. Use the Title “SPAM” (without quotes) in the Subject.
  3. With this New Mail window open, drag the suspicious spam/phishing mail from your Inbox into the New Mail Window. It will attach the mail as an enclosure and a small icon with a light yellow envelope will appear in the attachments section of the New Mail.
  4. Send the mail.

[ARTICLE BY DAVID WILES]

 

Eksamentoepassing ʼn reuse sukses

Donderdag, Augustus 30th, 2018

Tot onlangs was toegang tot eksamenlokale vir studente `n tydrowende handaksie wat uitvoer is deur inligting op toegangslyste na te gaan en af te merk. Nuwe tegnologie, ontwikkel deur Informasietegnologie, in samewerking met die Eksamenkantoor in die Registrateursafdeling, het dit egter verander. 

Die nuwe ontwikkeling gebruik selfone by elke eksamenlokaal om te identifiseer of studente toegang behoort te kry. `n Student se studentekaart word teen die agterkant van die foon gehou, waarna daar op die skerm vertoon word of die student veronderstel is om die eksamen van die spesifieke module in die spesifieke lokaal moet skryf. Die skerm sal `n groen regmerk wys as die student by die regte eksamenlokaal is (sien grafika regs) en `n rooi kruis wanneer hy/sy nie is nie. Indien die student by die verkeerde lokaal is, sal die skerm ook aandui waar die student wel moet wees vir die eksamen.

Te danke aan dié nuwe proses sal toegang tot eksamenlokale makliker en vinniger hanteer word. Die makliker skanderingsproses is moontlik as gevolg van die NFC (near-field communications) skyfie op Android-fone wat kommunikeer met die ingeboude MIFARE-skyfie in die studentekaart. Die identifikasie-inligting word dan deur die foontoepassing gebruik om die student se eksamenlokaal op te soek. Die eksamenlokaal en module-informasie word onttrek vanaf die Studente Inligtingstelsel. 

Toetse is eers op `n klein skaal verlede jaar gedurende die November eksamen uitgevoer en die tegnologie is vir die eerste keer volledig implementeer gedurende die Junie eksamen die jaar. Dit was `n reuse sukses.

Emce Louw, Hoof van die Eksamenkantoor, het die impak van die nuwe tegnologie eerstehands beleef. Sy was betrokke by die laai van die selfone, data-opstelling, oplei van die konvenors wat die skandeerwerk by die lokale moes doen en was ook verantwoordelik vir die insameling van die fone na afloop van die eksamens. Terugvoer vanaf studente en toesighouers was ewe positief:

 

 

 

Scan van studentekaarte is fantasties! Ek het gister 4de jaar Megatronika studente gehad. Hulle was vreeslik beïndruk met die scanning!”

Die ontwikkeling en suksesvolle voltooiing van die tegnologie was `n poging oor verskeie spanne met verskeie funksies heen. Hendrik le Roux van Informasietegnologie se Toegangsbeheerafdeling was die projekbestuurder en Guzelle Hendricks was verantwoordelik vir die besigheidanalise van die twee driemaande fases van die projek wat gestrek het van einsw 2017 tot Junie 2018.

Bo en behalwe Hendrik en Guzelle  het die volgende personeel elkeen `n belangrike rol gespeel – Phillip Greeff (TAS), Gregory Isaacs (TAS), Anna-Mari du Toit, Marc-Allen Johnson, Jeremy van Rooyen, Charles Hopkins, wat die toepassing geskryf het, en Elmar Matthee, wat verantwoordelik was vir bedienerontwikkeling. Aan die kant van die funksionele aandeelhouers het, buiten Emce, Neels Fourie (Adjunk-Registrateur), sowel as Jan du Toit en Helene Nieuwoudt (beide van SISO) aan die projek deelgeneem.

 

Hoë Inetkeykostes? Dìs hoekom.

Maandag, April 9th, 2018

Af en toe kry ons navrae oor skynbare hoë Inetkey-rekeninge, veral van studente. Die oorsake is gewoonlik voor-die-hand-liggend en kan maklik vermy word. 

Sonder om na jou internetrekords te kyk, is dit baie moeilik om vas te stel wat die rede of bron van ‘n hoë internetrekening is. Jou eerste stap is om, voordat jy ons kontak oor jou internetverbruik, eers na jou rekords te kyk by http://www.sun.ac.za/useradm deur die [View Internet Usage] opsie te gebruik en onder “View Type” “Source” te kies en dan USER om die inligting op te dateer. Let op die IP-adresse en gaan na dat dit wel jou eie toestelle is. Sodoende kan jy alreeds ʼn beter idee kry watter toestel die internetverkeer genereer en watter tye van die dag. 

Hou in gedagte dat Universiteit Stellenbosch keer-op-keer deur MyBroadband aangewys is as instansie met die vinnigste internet in Suid-Afrika. Huidige toetse wys dat die aflaaispoed 95.29 MB per sekonde is. Gevolglik kan jy baie vinnig, baie data aflaai sonder dat jy dit besef en binne minute jou internetrekening opjaag. 

Die volgende is maar ʼn paar moontlike oorsake vir hoë internetgebruik: 

  • Windows 10 opdaterings wat nie maklik afgesit kan word nie. Indien jou rekenaar egter aan die US-netwerk verbind en opgestel is om opdaterings van IT se WSUS-bediener af te laai, sal die opdaterings plaaslik afgelaai word en die koste nie vanaf jou Inetkeyrekening gehef word nie.
  • Opdaterings wat ophou, weer begin of nie volledig aflaai nie. Windows 10 1709 Creative Update is byvoorbeeld net-net onder 4Gb.
  • Inetkey wat oopgelos word op ʼn toestel sonder toesig gedurende klasse of deur die nag.
  • Videostroom-webwerwe wat nie op die vuurmuur se oopgestelde lys is nie. Deur ʼn HD-fliek te stroom gedurende die dag en aand kan 3Gb se data per uur verbruik.
  • Gebruik van ʼn skootrekenaar as `n wifi hotspot vir ʼn selfoon met die doel om datakostes te spaar. 
  • Gebruik van lêerdeel protokolle soos BitTorrent. Onthou dat beide op en aflaai verkeer genereer. As jy BitTorrent gebruik, seed jy ook jou eie lêers en betaal jy selfs as iemand anders jou lêers aflaai.
  • Sinchronisasie van lêers na DropBox.
  • Swak wagwoorde sodat bure en vriende in die nabye omgewing internet kan deel.
  • Vriende of wederhelftes aan wie wagwoorde gegee word en dit later misbruik. 
  • Virusse of malware wat gemorspos en meer verkeer genereer.  Dikwels veroorsaak blootgestelde e-posrekeninge hoë internetgebruik, omdat Inetkey en e-pos wagwoorde deel. 
  • Inetkey-rekeninge wat op veelvuldige toestelle gebruik word. 

Indien geen van hierdie redes die oorsaak blyk te wees van jou hoë Inetkeyrekening nie, kan jy vir Informasietegnologie vra om jou internetgebruik na te gaan om vas te stel of daar iets onreëlmatig is. Stuur binne 14 dae ʼn versoek na helpinfo@sun.ac.za. Die koste per navraag is R200.00, maar indien daar `n fout gekry word, word hierdie fooi nie gehef nie. 

[Inligting verskaf deur David Wiles]

 

© 2013-2019 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.