Language:
SEARCH
  • Onlangse bydraes

  • Kategorieë

  • Argiewe

eduroam

eduroam beskikbaar by Tygerberg

Dinsdag, Oktober 5th, 2021

TENET en die Wes-Kaapse Regering, in samewerking met Liquid Intelligent Technologies, het onlangs `n eduroam- proeflopie in vier Wes-Kaapse provinsiale hospitale implementeer:

  • Khayelitsha-hospitaal
  • Tygerberg-hospitaal
  • Groote Schuur-hospitaal 
  • Mowbray-hospitaal

Die uitbreiding en voortsetting van hierdie program by hospitale word grootliks bepaal deur die Departement van Gesondheid se gewilligheid om die waarde van die program in te sien. Ongelukkig blyk dit dat die aanvraag by bogenoemde vier hospitale laer is as wat ons verwag het, wat kan beteken dat daar `n risiko is dat die proeflopie nie verleng gaan word nie. 

Daarom wil ons graag personeel, en veral studente wat uitgeplaas is na een van die vier hospitale waar die proeflopieg beskikbaar is, aanmoedig om van die eduroam-diens gebruik te maak.

Ongelukkig is eduroam-dekking (nog) nie wydverspreid nie en is daar slegs enkele toegangspunte vir die netwerk in elke hospitaal. eduroam is tans beskikbaar naby die hoofingange van elk van die hospitale, sowel as in die nabyheid van personeelareas. Dit is veral beskikbaar in die omgewing van Liquid se eie Wi-Fi kentekens (sien voorbeeld regs)

Sodra studente (of personeel) aangeteken is sal Internettoegang sonder die gewone publieke Wi-Fi beperking (cap) in dié areas beskikbaar wees.

Meer oor eduroam se gebruik is op ons dienskatalogus beskikbaar.

 

 

WiFi-toegang op kampus

Dinsdag, November 17th, 2020

Sedert die begin van die jaar is MatiesWiFi nie meer op kampus beskikbaar nie en sal alle gebruikers moet oorskakel na eduroam.  

Die motivering agter die verandering is om vir sekuriteitsredes weg te beweeg van `n minder veilige WiFi-opsie (MatiesWiFi) na WiFi waar jou data en identiteit enkripteer en beveilig word (eduroam).

Toegang tot eduroam as jou toestel geregistreer is

Indien jou toestel alreeds op US WiFi netwerk vir MatiesWiFi of Secure geregistreer is, sal dit outomaties aan eduroam kan koppel. Gebruik jou volle gebruikersnaam (xxxx@sun.ac.za ) en wagwoord om aan te teken. In plaas van MatiesWiFi of Secure kies net die Eduroam netwerk op jou toestel se WiFi-verstellings. Indien jy toegang tot die internet via eduroam benodig, moet jy steeds Inetkey oopmaak.

Volledige instruksies is hier beskikbaar.

Toegang tot eduroam as jou toestel nie geregistreer is nie

Indien jou toestel nie geregistreer is vir die US WiFi-netwerk nie, gebruik asb. Registerme om te registreer. Elke toestel moet apart geregistreer word, maar jy kan tot 5 toestelle op die US WiFi-netwerk registreer.

Neem kennis dat hierdie aanwysings net van toepassing is vir die registrasie van jou toestel op die eduroam WiFi-netwerk. Enige ander netwerkregistrasies kan op ons ICT Partner Portal aangevra word. 

Meer inligting oor WiFi op kampus.

 

Eduroam-toegang vir besoekers (eVA)

Woensdag, November 6th, 2019

eVA (eduroam besoekerstoegang) is ’n nuwe diens wat besoekers aan hoër onderwys- en navorsingsinstellings in staat stel om toegang tot die veilige en sekure eduroam Wi-Fi netwerk te verkry. As addisionele identiteitsbestuurmiddel, is eVA ’n platform waar besoekers aan Universiteit Stellenbosch wat slegs tydelike internettoegang benodig op eenvoudige en veilige manier kan registreer. 

Wat is dit? 

eVA verskaf ’n meganisme wat gemagtigde personeel by eduroam-instellings toelaat om ’n besoeker te begunstig en tydelik regte aan toe te ken vir ’n spesifieke tydperk. Aangewese eVa-administrateurs kan bepaal wie geregtig is om besoekers te bestuur en hoe lank besoekers toegang kan kry. 

Hoe werk dit?

Indien jy eVA wil gebruik om jou departement se besoekers te registreer, teken asseblief ’n versoek aan op die ICT Partner Portal.  Om administrasie te vereenvoudig, kan die eVA kontakpersoon tipies dieselfde persoon wees wat SUNid ook hanteer en verkieslik ook slegs een persoon per departement of afdeling.

Neem net kennis dat jou lynbestuurder jou versoek moet goedkeur voordat jou regte toegeken kan word. Goedkeuring kan ook op die ICT Partner Portal gedoen word. 

Wat is die voordele?

  • Geen ander, addisionele registrasie, byvoorbeeld SUNid, is nodig om dié diens te gebruik nie.
  • Maklik om te gebruik. Handleidings en volledige instruksies is aanlyn beskikbaar. 
  • Besoekers se regte kan bestuur en beperk word.
  • Toegang verval outomaties na ’n verkose datum.
  • Rekords kan gehou en geoudit word.

Meer inligting oor eVA.

Waar jy ookal swerf, eduroam

Woensdag, April 5th, 2017

eduroam (education roaming) is `n sekure, wêreldwye toegangsbeheerde swerwingsdiens ontwikkel vir die internasionale navorsing- en onderriggemeenskap. 

Gebruikers kan tussen kampusse rondbeweeg en ander deelnemende instellings tuis of oorsee besoek en onmiddellike, veilige netwerktoegang verkry – sonder om te reël vir die gebruik van besoekersrekeninge of addisionele wagwoorde. Die besoekende gebruiker word verifieer met dieselfde inligting (gebruikersnaam en wagwoord) wat  hulle by hulle plaaslike instelling waarby hulle geaffileer is, gebruik.

Besoekers wat registreer is by eduroam sal aan alle WiFi-punte regoor die betrokke kampus kan verbind. 

Meer inligting oor die gebruik en aktivering van eduroam-diens is beskikbaar op ons dienskatalogus. Addisionele inligting is ook beskikbaar op www. eduroam.org en http://eduroam.ac.za.

 

© 2013-2022 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.