Algemeen
(English) Linux Ubuntu or Windows?
Maandag, Junie 10th, 2013
Safecom – die feite en die vooruitsig
Vrydag, April 26th, 2013Die woord Safecom wek die afgelope paar maande `n kombinasie van paniek en frustrasie – en dis net by IT-personeel. Want net soos julle, die gebruikers op kampus, is ons ook moeg gesukkel. Die goeie nuus is egter, dat ons na al die maande se gewroeg en naels stomp kou nader is aan `n oplossing en die lig aan die einde van die tonnel inderdaad nie `n aankomende trein is nie.
Safecom se probleme het in September 2012 ontstaan, maar omdat dit `n redelike rustige tydperk was met `n laer lading, was die probleem nie noodwendig sigbaar nie. Met die massas drukwerk aan die einde van die akademiese jaar was die effek op eindgebruikers, en veral studente, egter klinkklaar.
Die stelsel wat aanvanklik implementeer is, was nie voldoende vir ‘n veranderende en groeiende omgewing nie. Beide die bedryfsomgewing en die produk se eienskappe het oor afgelope paar jaar verander (nuwe opgraderings is onder andere ook intussen uitgerol) en gevolglik was die oorspronklike stelselontwerp nie optimaal nie.
Met die inagname van bogenoemde is daar besluit om `n internasionale Safecom-deskundige en `n plaaslike HP-kundige se advies oor die huidige opstelling en stand van sake, in te win. Met die hulp van hierdie kundiges en IT se span is daar sinvolle planne in plek gesit en implementeer om so spoedig moontlik `n oplossing vir die netelige probleem te kry.
`n Groot gedeelte hiervan is reeds suksesvol afgehandel, maar omdat sagteware op alle drukkers opgradeer moet word, is dit vanselfsprekend`n tydrowende oefening. Daar is reeds `n verbetering aan die stelsel se funksionering, in vergelyking met verlede kwartaal, te bespeur.
IT is deurlopend besig om die bestaande uitdagings gekoördineerd en so vinnig as moontlik die hoof te bied. Dit behels onder meer die skep van meer interne stelselkapasiteit, die verkleining van die druklêers deur die implementering van ʼn meer effektiewe drukkerdrywer, die implementering van meer stabiele drukker firmware, implementering van meer stabiele Safecom programmatuur op elke drukker en daarmee saam die optimering van die hele konfigurasie.
Ons het groot waardering vir die geduld wat personeel en studente aan die dag lê en nooi personeel en studente uit om probleme by die RGA-bestuurders of IT Hulplyn aan te meld.
DRM – `n Sentrale Afrikaland?
Vrydag, April 26th, 2013
Die afkorting klink soos `n verwysing na `n sentrale Afrikaland en alhoewel DRM ook versigtige bestuur behels, is dit minder tasbaar en strek dit wel oor grense heen.
As gevolg van die drastiese toename in digitale inhoud in ons lewens, of dit musiek, video of e-boeke is, het dit noodsaaklik geword vir maatskappye om hul eiendom te beskerm deur sekere maatreёls in plek te sit. Maar wat is DRM?
Ons het die volgende definisie en verduideliking op een van ons gunsteling webwerwe opgespoor –
Digital Rights Management (DRM) is `n tipe toegangsbeheer tegniek gebruik deur kopiereg-eienaars, uitgewers en hardwarevervaardigers om die gebruik, manipulasie en verspreiding van digitale inhoud na die verkoop daarvan te beperk.
Voorbeelde van DRM sluit die inkripsie van digitale video (op DVD en Blu-ray skywe) om te voorkom dat die koper nie die inhoud ontsluit nie of die beperking van e-boeke tot die rekening van die oorspronklike koper (jy kan byvoorbeeld you Amazon e-boek op jou Kindle lees of op Amazon.com, maar jy kan nie die boek vir iemand anders aanstuur of gee nie). Dit sluit ook die beperking op die aflaai van speletjies na slegs die rekenaar waarvan die afgelaai is – dus kan jy dit nie kopieer en uitdeel vir vriende nie.
Onder sekere geledere is daar `n sterk weerstand teen DRM en bly dit `n kontroversiёle onderwerp. Maatskappye voel dis nodig om hul intellektuele eiendom te bekerm en rowery te beveg, maar gebruikers se grootste frustrasie is dat DRM hardeware as’t ware sluit en data nie tussen verskeie toestelle geskuif kan word nie.
Vandag is ook Wereld Intellektuele Eiendom dag en Stellenbosch Universiteit het verskeie aktiwiteite om bewustheid te kweek georganiseer. Meer inligting.
(BRON: www.howtogeek.com)
Wie is aan die (be)stuur?
Vrydag, April 12th, 2013Dave Platt het per geleentheid gesê “Managing senior programmers is like herding cats.” Die IT-afdeling bestaan uit meer as `n honderd personeellede wat strek van ondersteuningstegnici, stelseladministrateurs, ingenieurs, sagteware ontwikkelaars tot besigheidsanaliste. So wie bestuur hierdie groep en ook die hele IT-personeel?
Lees die gedetaileerde posbeskrywings hier.
Te veel data? Bêre dit op `n wolk
Vrydag, April 12th, 2013
Verlede jaar het ons julle meer vertel van “cloud storage”, wat dit behels en wat die opsies is as jy jou inligting erens op `n wolkie wil bêre. (lees die artikels hier) As jy nog nie die groot virtuele stap geneem het nie, het ons vandag meer inligting vir jou – die keer spesifiek oor Microsoft se Skydrive.
Wat is SkyDrive?
SkyDrive is a leêr huisvestingsdiens wat aan gebruikers die geleentheid gee om leêrs op te laai en sinkroniseer na `n wolkbergingsfasiliteit en daarna toegang daartoe te verkry deur middel van `n webblaaier of jou plaaslike toestel.
Wat bied SkyDrive my?
Die diens bied 7 GB gratis stoorspasie en ekstra spasie is te koop beskikbaar. Leêrs van tot 300 MB kan opgelaai word deur die webblaaier met `n sleep-en-los-proses of tot 2 GB deur middel van die SkyDrive gebruikskoppelvak-toepassing (desktop app) vir Microsoft Windows en OS X.
Met die SkyDrive gebruikskoppelvlak-toepassing vir Windows of Mac, is jou leêrs aanlyn of van lyn af beskikbaar en word dit outomaties oor alle toestelle opgedateer. Jy kan ook toegang tot SkyDrive verkry deur `n splinternuwe toepassing vir Androi v2.3 of die opgedateerde toepassing vir Windows Phone, iPhone, en iPad te gebruik.
Die Office toepassingss (Word, Excel, etc.) laat jou toe om jou dokumente by verstek na die SkyDrive gids op jou plaaslike rekenaar te stoor. Met die hulp van SkyDrive word daardie leêrs gesinkroniseer met jou dokumente in jou SkyDrive wolkstoorspasie – en gevolglik het jy toegang van enige plek en kan jy jou dokumente aanlyn redigeer met die webweergawe van Microsoft Office.
Aanlyn samewerking word aansienlik vergemaklik met nuwe Office Web toepassings, insluitende Excel vorms, mede-outeurskap in PowerPoint en ingebedde Word-dokumente. As jy dokumente deel met ander mense wil deel, word `n skakel outomaties aan hulle gegee waarmee hulle deur hul eie SkyDrive-rekening toegang tot die dokumente kan kry. Hulle kan veranderinge aanbring aan die dokumente terwyl jy ook daaraan werk en jy kan die veranderinge sien soos dit verander word. Wanneer jy dus die dokument wil stoor, sal jy die opdaterings van die ander persoon ontvang. Indien daar enige konflikte is, sal jy daarvan in kennis gestel word en die geleentheid kry om dit aan te pas. Jy kan ook die geskiedenis van al die vorige weergawes nagaan.
Indien jy enige dokumente uitvee van SkyDrive, laat die diens jou toe om die aksie te herroep en die verwyderde dokument te herstel na sy oorspronklike leêr uit die Recycle bin. Alle items in die Recycle bin word vir `n minimum van 3 dae gestoor en `n maksimum van 30 dae.
SkyDrive is ten volle geintegreer met sosiale netwerke soos Facebook, Twitter en LinkedIn om aan gebruikers die geleentheid te gee om vinnig leêrs met hulle kontakte te deel op hierdie netwerke. Dit ondersteun ook geo-ligging data vir fotos wat opgelaai word en sal outomaties `n kaart wys indien `n ligging gemerk word. SkyDrive laat ook gebruikers toe om persone te merk op fotos deur middel van die webkoppelvlak of deur die Windows fotogallery.
Addisioneel tot bogemoemde funksies kan jy ook leêrs sorteer, leêr uitlegte verander, foto skyfievertonings kyk en video stroom. Al hierdie funksionaliteit op een plek, veilig in die wolke.
[SOURCE: Wikipedia]