Kommunikasie « Informasietegnologie

Kommunikasie

`n Virtuele metgesel vir jou gemoedsrus

Donderdag, Maart 31st, 2016

companion2

Ons kan nie veel doen aan die geweld en misdaad in ons land nie. Maar ons kan wel tegnologie inspan om dit te bestuur.

Een voorbeeld hiervan is `n toepassing wat vyf studente ontwerp het, omdat hulle bekommerd was oor veiligheid op hulle die Universiteit van Michigan-kampus.

Die Companion-toepassing volg jou roete soos jy huistoe beweeg en laat jou ŉ virtuele metgesel, jou wederhelfte, `n vriend of vriendin of ŉ familielid is, byvoeg op jou roete. Die idee is dat dit jou veiliger en minder onrustig sal laat voel wanneer jy alleen moet stap.

Die toepassing laat jou metgesel jou roete via GPS monitor volg en bied ook die platform om iemand vinnig in kennis te stel in geval van ŉ noodgeval . Behalwe vir GPS sporing, vra die toepassing ook sporadies of jy nog ok is. Indien jy nie vinnig genoeg reageer nie, word jou virtuele metgesel in kennis gestel.

Dieselfde aksie word uitgevoer wanneer die roete ongewoon langer neem, jy begin hardloop of as jou oorfone skielik uitgeruk word. Jy kry 15 sekondes om te reageer voordat die alarm aktiveer word.

Companion het twee alarmknoppies. “I Feel Nervous” kontak jou metgesel en “Call the Police” bel outomaties nooddienste. Een van die grootste voordele van die toepassing is sy vermoeë om aan te dui waar jy is, sodat jy maklik deur middel van GPS koördinate opgespoor kan word.

Om Companion te begin gebruik, tik jou eindbestemming se adres in en kliek op “Start a Trip”. Jy sal gevra word om ŉ persoon by te voeg uit jou kontaklys. Die persoon ontvang ŉ SMS waarmee die toepassing afgelaai kan word of kliek net op ŉ skakel om die roete in werklike tyd op ŉ kaart te volg.

Sodra jy veilig tuis is, sal ŉ boodskap na jou kontakpersoon gestuur word.

Companion kan gratis afgelaai word vir iOS en Android.

[BRONNE: http://gadgets.ndtv.com, http://www.theguardian.com, http://fortune.com]

Posted in Toepassings, Kommunikasie | Comments Off on `n Virtuele metgesel vir jou gemoedsrus

Die vae lyn tussen tussen privaat en professioneel

Woensdag, Februarie 17th, 2016

Microsoft het onlangs ŉ inprop-program (plug-in) vrygestel wat inligting vanaf jou sosiale netwerkbladsye, byvoorbeeld Facebook en LinkedIn, integreer met Outlook.

Op die oog af lyk dit na ŉ nuttige stukkie sagteware wat, op ŉ enkele platform, jou op hoogte hou van jou vriende se doen en late. Terselfdertyd kan dit handige inligting verskaf oor potensiële kliënte.

Dit mag egter problematies raak as jou professionele kollegas en kontakte toegang het tot inligting wat jou in die verleentheid kan plaas.

Outlook is vir die meeste gebruikers ŉ professionele e-pos platform. Met OSC (Outlook Social Connector) deel jy onbewustelik jou persoonlike inligting met jou professionele netwerk. Die lyn tussen jou professionele en persoonlike lewe is skielik minder duidelik.

As jy die OSC installeer het, sal jou sosiale netwerk inligting onderaan die Outlook-venster in ŉ klein People Pane verskyn. Die sagteware kry inligting van jou sosiale netwerke profiele, gebaseer op die e-posadres(se) wat jy gekoppel het aan daardie sosiale netwerk profiel. Die inligting kan profielfotos, statusopdaterings en jou onlangse skrywes, insluit en vind plaas selfs al is jou e-posadresse versteek vir ander gebruikers op sosiale media platforms. Jou sosiale netwerk inligting kan, afhangende van jou sekuriteitsverstellings, gesien word deur OSC-gebruikers vir enigiemand vir wie jy e-pos stuur, selfs al is die OSC-gebruiker nie noodwendig ŉ Facebook vriend nie.

Die sigbare inligting wat verskyn in die People Pane word bepaal deur die e-posse adresse wat jy gekoppel het aan jou sosiale netwerke en jou privaatheidsverstellings op jou sosiale netwerkrekeninge.

Om te voorkom dat jou persoonlike inligting deur jou kollegas gesien word deur OSC, verwyder jou werksadres op al jou sosiale netwerk profiele. Sorg ook dat jou privaatheidverstellings so gestel is dat OSC dit nie sal kan optel nie. Byvoorbeeld stel dit dat jou inligting net sigbaar is vir jou vriende en familie, nie public nie.

Onthou om verkieslik ŉ aparte adres, byvoorbeeld Gmail, vir jou persoonlike e-posse aan te skaf en jou @sun adres te gebruik nie.

Buiten dat die situasie jou in die verleentheid kan bring, kan dit ook ernstige etiese en professionele gevolge inhou. Onthou, enige OSC-gebruiker kan potensieel d.m.v. e-pos alle sosiale netwerk inligting wat aan daardie rekening gekoppel is, sien. Jy deel dalk meer met jou kollegas as wat jy dink.

OSC is beskikbaar vir Outlook 2003, Outlook 2007, en Outlook 2010, en integreer Outlook se e-pos funksies met sosiale netwerktoepassings soos Facebook, LinkedIn, Windows Live Messenger, and MySpace.

IT beveel nie die gebruik van OSC aan nie aangesien die risikos daaraan verbonde veel hoër is as die voordele wat daaruit geput kan word.

[BRON: http://www.primerus.com]

Tags: Facebook, Outlook
Posted in Kommunikasie, E-pos | Comments Off on Die vae lyn tussen tussen privaat en professioneel

Periscope: Nuus, soos dit gebeur

Vrydag, Februarie 5th, 2016

Twitter is alombekend as die vinnigste direkte manier om op hoogte te bly van nuus van regoor die wêreld. Maar gestel jy wil nie net lees nie, maar ook sien hoe gebeure ontvou?

Periscope is ŉ lewendige videostroom toepassing wat ontwikkel is vir iOS en Android deur Kayvon Beykpour en Joe Bernstein.

periscope

“… we became fascinated by the idea of discovering the world through someone else’s eyes. What if you could see through the eyes of a protester in Ukraine? Or watch the sunrise from a hot air balloon in Cappadocia? It may sound crazy, but we wanted to build the closest thing to teleportation. While there are many ways to discover events and places, we realized there is no better way to experience a place right now than through live video. A picture may be worth a thousand words, but live video can take you someplace and show you around.”

Periscope gee aan gewone mense ŉ addisionele platform om nuus mee te rapporteer. Feitlik enigiemand kan nou nuus uitsaai en jy hoef nie meer op televisiestasies te vertrou vir wêreldnuus nie. Natuurlik word Periscope nie net vir nuus gebruik nie. Net soos met ander sosiale netwerke is die verskeidenheid wyd en kan dit ook grens aan belaglik.

Scopers (Periscope se noemnaam vir hulle gebruikers) kan enigiets uitsaai wat hulle wil – of dit ŉ uitstappie strand toe is of ŉ kosmaakdemonstrasie. Deel van die kritiek op Periscope is ook dat daar geen sensuur toegepas word nie en kopiereg het vroeg reeds kop uitgesteek as ŉ potensiële probleem.

Die scope word lewendig uitgesaai en bly beskikbaar vir 24 uur. Uitsendings kan gebêre word sodat jy dit later kan kyk, ŉ voordeel wat Periscope bo Meerkat, sy kompetisie, het. Kykers kan tydens uitsendings kommentaar lewer en boodskappe verskyn op die skerm tydens die uitsending sodat almal dit kan sien. Die scoper kan ook met hartjies gooi word as sy uitsending populêr is. (ja regtig) Lees meer op The Verge.

Beykpour en Bernstein het hulle maatskappy in Februarie 2014 begin en skaars ŉ jaar later, in Januarie 2015 – selfs voordat dit bekendgestel is – het Twitter die toepassing gekoop. Op 12 Januarie vanjaar het Twitter Periscope integreer in sy tydlyn , sodat jy nou direk vanaf Twitter uitsendings kan maak en kyk.

Verlede week is Periscope se baanbreker-status nog meer verstewig, toe aangekondig is dat dit nou ook versoenbaar is met die GoPro hero 4. Sodra ŉ GoPro gekoppel word aan jou foon, word Periscope outomaties aktiveer en die GoPro se beeldmateriaal word direk na Periscope versend.

Jy kan die Periscope toepassing aflaai op die Google Play store of rondkyk op hul tv-kanaal, PeriscopeTV. Kyk ook onder hoe Kayvon Beykpour Periscope aan kletsprogram-aanbieder Stephen Colbert verduidelik hoe dit werk of, as jy ŉ scoper wil word, bestudeer Socialmediaweek se beginnersgids.

[SOURCES: www.wikipedia.org, www.theverge.com]

Tags: periscope
Posted in Toepassings, Kommunikasie | Comments Off on Periscope: Nuus, soos dit gebeur

IT HUB – jou eenstop

Woensdag, Desember 2nd, 2015

Het jy geweet jy kan jou rekenaar by die IT HUB, wat sentraal op kampus geleë is, afgee in plaas van om dit na die hoof IT-gebou te bring?

Personeel kan hul toerusting by die IT HUB afgee en sal bygestaan kan word met sekere funksies. Alle toerusting word steeds herstel by die hoof IT-gebou, maar kleiner funksies soos die registrasie van toestelle, wagwoorde, ens. kan onmiddellik by die IT HUB gedoen word.

Personeel se persoonlike toerusting kan hanteer word by die IT HUB of IT-werkswinkel en personeel kan 5 persoonlike toestelle (byvoorbeeld slimfone, tablette en skootrekenaars) op die netwerk registreer. Beperkte ondersteuning sal aan die toestelle gebied word.

KONTAK ONS

Tel: 021-808 4367
Skype: ITStellenUni
E-pos: helpinfo@sun.ac.za (vir algemene navrae) of help@sun.ac.za (om ŉ fout aan te meld)
Twitter: @itstellenuni

Google-kaarte

Kliek hier vir instruksies om ŉ fout te rapporteer. Verskaf asseblief die korrekte inligting anders sal die versoek nie op die stelsel aangeteken kan word nie.

Al ons dienste is gelys op ons Dienskatalogus en as jy braaf genoeg is, kan jy ook gebruik maak van ons Self-help wiki

Tags: kontakinligting, IT HUB
Posted in Kommunikasie, Algemeen, Ons mense | Comments Off on IT HUB – jou eenstop

Vertel jou storie met Sway

Dinsdag, September 22nd, 2015

Is jy moeg vir voorspelbare PowerPoint-aanbiedings wat steeds in vergaderings insypel? Veral dié met klank en grafiese effekte. Red jou kantoor van verveling en oortuig jou kollegas om Microsoft Sway te gebruik.

Office Sway is `n program vir die saamstel van aanbiedings en deel van die Microsoft Office familie. Microsoft bemark dit as `n toepassing om digitaal stories mee te vertel. Op `n basiese vlak is dit sagteware wat gebruik kan word vir die skep van aanbiedings, verslae, nuusbriewe, ens.

Buiten statiese inhoud, laat Sway jou toe om interaktiewe inhoud soos videos en tabelle te inkorporeer. Jy hoef nie bekommerd te wees oor jou formaterings- of ontwerpvaardighede nie – Sway doen dit vir jou. Gebruikers kan inhoud byvoeg vanaf hul eie toestel of internetbronne soos Bing, OneDrive, YouTube en Facebook. Dit gee ook voorstelle vir relevante twiets, grafika en videos wat jy dalk by jou aanbieding sou sou kon byvoeg.

Sway is beskikbaar as `n aflaaibare toepassing vir Windows 10, iPhone en iPad of as deel van die Office aanlyn pakket. Hou in gedagte dat Windows 10 nog nie op kampusrekenaars gebruik word nie, maar dat jy dit wel op jou tuisrekenaar kan installeer.

[BRONNE: www.wikpedia.org, www.gizmag.com]

Tags: microsoft, Microsoft Sway, aanbiedings
Posted in Toepassings, Kommunikasie | Comments Off on Vertel jou storie met Sway

IT skakels

US skakels

Onlangse bydraes

Kategorieë

Argiewe