Konnektiwiteit
(English) Connect to WiFi on campus
Donderdag, Januarie 27th, 2022
eduroam beskikbaar by Tygerberg
Dinsdag, Oktober 5th, 2021TENET en die Wes-Kaapse Regering, in samewerking met Liquid Intelligent Technologies, het onlangs `n eduroam- proeflopie in vier Wes-Kaapse provinsiale hospitale implementeer:
- Khayelitsha-hospitaal
- Tygerberg-hospitaal
- Groote Schuur-hospitaalÂ
- Mowbray-hospitaal
Die uitbreiding en voortsetting van hierdie program by hospitale word grootliks bepaal deur die Departement van Gesondheid se gewilligheid om die waarde van die program in te sien. Ongelukkig blyk dit dat die aanvraag by bogenoemde vier hospitale laer is as wat ons verwag het, wat kan beteken dat daar `n risiko is dat die proeflopie nie verleng gaan word nie.Â
Daarom wil ons graag personeel, en veral studente wat uitgeplaas is na een van die vier hospitale waar die proeflopieg beskikbaar is, aanmoedig om van die eduroam-diens gebruik te maak.
Ongelukkig is eduroam-dekking (nog) nie wydverspreid nie en is daar slegs enkele toegangspunte vir die netwerk in elke hospitaal. eduroam is tans beskikbaar naby die hoofingange van elk van die hospitale, sowel as in die nabyheid van personeelareas. Dit is veral beskikbaar in die omgewing van Liquid se eie Wi-Fi kentekens (sien voorbeeld regs)
Sodra studente (of personeel) aangeteken is sal Internettoegang sonder die gewone publieke Wi-Fi beperking (cap) in dié areas beskikbaar wees.
Meer oor eduroam se gebruik is op ons dienskatalogus beskikbaar.
Is dit regtig nodig om te vergader?
Maandag, Oktober 4th, 2021Gegewe die huidige werk-van-die-huis situasie is ons meer geneig om ons werksure te spandeer in `n teams-vergadering of op `n Zoom-oproep. Diegene wat van die huis af werk sal moontlik `n skerp toename opgemerk in die hoeveelheid virtuele vergaderings waarheen hulle uitgenooi word sedert grendeltyd afgeskop het verlede jaar.
Die meeste van ons spring van een vergadering na die ander of probeer vergaderings skeduleer wat almal se reeds vol skedules pas. Hierdie optrede mag `n korttermyn oorreaksie wees weens die gebrek aan ander kommunikasievorme en sosiale kontak, maar dit kan produktiwiteit en effektiwitit beinvloed.
`n Produktiewe vergadering is een waar dit kennis gedeel moet word en die bespreekte onderwerpe gemeenskaplike samewerking benodig – waar mense terselfdertyd aanlyn moet wees, verkieslik op dieselfde plek. Dit is ook nuttig as konflik hanteer moet word of beter verhoudings gebou moet word.Â
As `n vergadering egter geen duidelike uitset toon, die onderwerpe irrelevant is, die uitkoms bepaal kon word sonder `n vergadering of jy slegs teenwoordig is om te luister en nie insette te gee nie, kan jy dit oorweeg om die uitnodiging van die hand te wys. Oor die algemeen is 40% van vergaderings nie werklik nodig nie.
Indien jy by verstek bloot uitnodigings na vergaderings aanvaar, veral dié sonder `n agenda, bevestig jy dat dit waaroor die ander persoon wil praat `n beter benutting is van jou tyd as jou eie werk.
Om vergaderinguitnodigings van die hand te wys kan `n uitdaging wees, veral met reeds geskeduleerde vergaderings. Dit kan egter die geleentheid bied om `n gesprek te begin met jou span oor watter onderwerpe nodig is om te bespreek en watter minder belangrik is. Onder is `n grafiese voorstelling wat jou en jou kollegas kan help om te besluit of `n vergadering nodig is.Â
Gebruik hierdie geleentheid om jou vergaderings to verbeter, tyd te spaar en `n verbeterde, produktiewe werksongewing te skep.Â
BRON: https://www.wrike.com/blog/meeting-infographic-decision-tree/
[ARTIKEL DEUR MANDY WANZA]
Â
WiFi-toegang met eduroam
Donderdag, April 8th, 2021Sedert die begin van die jaar is MatiesWifi nie meer beskikbaar aan personeel en studente vir toegang tot WiFi op kampus nie. In plaas van MatiesWiFi moet gebruik gemaak word van eduroam vir enige WiFi-verbinding. Hierdie verandering is hoofsaaklik gemaak om sekuriteitsredes. Meer inligting.Â
Om sekuriteit verder te verbeter, asook om te voldoen aan eduroam se GEANT-riglyne, was dit nodig dat ons `n nuwe sekuriteitsertifikaat implementeer. Hierdie sertifikaat sal lei tot beter werkverrigting en voortaan ook die aantekenproses bespoedig.Â
Wanneer jy verbind aan eduroam met `n Windows-toestel (afhangende van die weergawe) sal jy `n kennisgewing kry kry. Dit sal slegs eenmalig gebeur. Kliek op Connect en gaan voort soos gewoon. Soortgelyke boodskappe sal ook verskyn as jy op toestelle werk met Linux of Apple bedryfstelsels.
NB. Neem kennis dat jy jou volle sun e-posadres moet gebruik wanneer jy aanteken op eduroam.Â
WiFi gedurende beurtkrag
Dinsdag, Maart 16th, 2021
Die waarskynlikheid dat ons binnekort ontslae gaan wees van beurtkrag is nie besonder groot nie en selfs al is ons hoe voorbereid is daar net soveel wat ons kan doen.
Ons besef dat ʼn stabiele internetverbinding in klaskamers krities is vir dosente om akademiese inhoud na studente te stroom. In die meeste universiteitsgeboue is daar kragopwekkers in plek om rugsteuning te verskaf gedurende beurtkrag. Ongelukkig kan ons egter nie ononderbroke kragvoer waarborg nie. Die redes is as volg:Â
Sodra beurtkrag afskop verloor alle netwerktoerusting krag en skop die kragopwekker outomaties in. Die netwerktoerusting doen dan `ʼn sogenaamde “cold-boot” wat etlike minute kan duur. Gevolglik kan dit 10 tot 30 minute (in uitsonderlike gevalle) neem vir die netwerk om weer optimaal te funksioneer.Â
Addisioneel tot hierdie vertraging bestaan die moontlikheid dat die netwerktoerusting nie outomaties kan herstel wanneer die kragopwekker geaktiveer word nie. In so ʼn geval sal die netwerk en WiFi vir die volle duur van beurtkrag af bly.Â
Die stabilisering van toerusting en verbindings gedurende beurtkrag is nie prakties moontlik nie aangesien die hele proses weer herhaal moet word sodra Eskom weer die krag aanskakel. Ons het egter ʼn moniteringstelsel wat kyk watter toerusting nie vanself herstel nie.Â
In die meeste gevalle sal die WiFi en toerusting weer in ʼn werkende toestand wees na ongeveer 10 minute met die hulp van kragopwekkers. Om te verseker dat die oorgang soomloos is en netwerkkonnektiwiteit voortduur, sal dit help as personeel in die betrokke geboue na ongeveer 15 minute nadat die kragopwekker aangaan, sal nagaan of die WiFi aktief is of nie.