`n Paar jaar gelede kon jy ons net bel of e-pos stuur, toe kon jy ons blog lees en tweets volg.
Nou kan jy selfs op ons nommer druk as jy oorsee is en sukkel met `n rekenaarverwante probleem.
Spaar jouself die buitensporige internasionale oproepkostes en kom kuier vir ons op Skype deur te soek na helpinfo@sun.ac.za of die gebruikersnaamitstellenuni.
Twee weke gelede het ons `n nuwe gedesentraliseerde proses vir die aktivering van toegang van besoekers aan die US-kampus aangekondig. (lees die artikel hier) Daar bestaan egter nog `n mate van verwarring oor die prosedures en hoe dit werk.
Om die proses eenvoudiger uit een te sit, het ons `n diagram saamgestel wat presies verduidelik hoe die stappe werk. Al dié inligting is ook in teks formaat op ons wiki beskikbaar.Â
Â
Â
Onthou jy nog daai ou, groot Casio horlosies met die ingeboude sakrekenaars? Wel, moenie te hard lag nie (buitendien, ons weet jy het ook een gehad). Een van die dae gaan jy weer ‘n groot horlosie wil hê en dié keer kan dit meer doen as net optelsomme.
Die Samsung Galaxy Gear slimhorlosie is onlangs in Berlyn, twee weke voor die  Berlyn IFA elektronika verbruikerstentoonstelling, deur Lee Young-hee, Samsung se vise-president van mobiele tegnologie, bekendgestel.Â
Met Samsung se nuwe slimhorlosie kan jy telefoonoproepe maak, die internet gebruik en e-posse bestuur. Dit alles terwyl jy soos ‘n wafferse lyfwag of FBI-agent lyk.
Ander handige ekstras sluit `n kamera,  toepassings soos Evernote en Pocket, sowel as MyFitnessPal en RunKeeper vir die meer sportiewes onder ons, in. Vir diegene wat wyn bo  sport verkies, is daar Vivino Wine Scanner, waarmee jy `n wynetiket kan afneem en dadelik die inligting oor die betrokke wyn tot jou beskikking het.
[Foto: www.samsung.com]
Maar voordat jy TE opgewonde raak – om die Galaxy Gear te gebruik, moet jy ook `n Galaxy Note besit. Dit word beraam dat die Gear reeds dié maand beskikbaar sal wees teen die aanbevole bedrag van R4 599. Die nuutste Galaxy Note model, waarmee die slimfoon versoenbaar is, is reeds vanaf 27 September beskikbaar teen R8 999.Â
Die totaal van die twee toestelle kom dus tot die aardige bedraggie van ongeveer R14 000. Nie noodwendig `n opsie vir die diegene wat `n gemiddelde salaris verdien nie, maar ons kan met sekerheid sê dat die tegnologie nou beskikbaar is en ook eendag meer bekostigbaar sal wees vir die res van ons.Â
[BRONNE: www.cnet.com, www.wikipedia.org, www.news24.com, www.mybroadband.co.za, www.pcadvisor.co.uk  en www.t3.com]Â
Â
Â
Net toe ons gewoond geraak het aan WiFi en vrede gemaak het met sy nukke en grille, verskyn daar `n nuwe speler op die veld. Een waarvan ons tot nou toe nie veel van geweet het nie. Kom ons kyk wat is WiGig en vergelyk sy sterk- en swakpunte.Â
WiGig is bloot nog `n draadlose (wireless) standaard soos WiFi, daar is tog `n paar duidelike verskille.Â
WiGig se reikwydte is aansienlik korter as WiFi, strek nie maklik verder as 10 meter nie en sukkel om deur mure `n sein te stuur. So, hoekom sal `n mens dit wil gebruik?Â
Image credit: WiGig Alliance
WiGig is vinnig, vinniger as die Wifi waaraan ons gewoond is. Dit werk op ‘n veel hoër frekwensie (60GHz ) as die tradisionele bandwydtes en mobiele seine soos 3G kan blykbaar tot 7 Gbps lewer. Sodra jou toestelle egter verder weg is, verminder die spoed bitter vining.
Kenners beveel dus aan dat WiGig gebruik moet word vir tuisvermaak-toestelle, tablette en tuisrekenaars en dat jy dit gebruik as aanvulling tot jou reeds bestaande WiFi-konneksie.Â
As die besparing van energie vir jou belangrik is, kan jy WiGig met `n skoon gewete oorweeg aangesien dit ontwerp is as `n lae energie alternatief en aanspraak daarop maak dat dit vyf keer minder energie verbruik as WiFi. Radioseine word geoptimiseer om die beste resultate te gee, oorlading te verminder en die sein direk te stuur waarheen dit moet gaan.
WiGig het ontstaan by die Wireless Gigabit Alliance wat lede soos Broadcom, Cisco, Intel, Microsoft, Dell, Nokia, Toshiba, Qualcomm, NEC, Panasonic en ander groot maatskappye insluit. Op die oomblik gaan dié standaard eers deur verskeie sertifiseringsprogramme, maar volgens beraming sal dit teen einde 2013 afgehandel wees.Â
[BRONNE: www.techradar.com & www.computerweekly.com]
TED inspireer al vir jare lank miljoene mense regoor die wêreld en hy het elke keer net 18 minute om dit te kan doen! `n Indrukwekkende motiveringspreker, dink jy nie so nie?Â
Die ook maar goed TED is nie net een mens nie, anders sou hy al doodmoeg gewees het na 30 jaar se gepraat.
TED talks het begin as `n eenvoudige poging om dit wat gebeur by die verskeie TED-konferensies reg oor die wêreld, te deel met ander. In 1984 het `n groep mense uit drie verskillende wêrelde – Tegnologie, Vermaak en Ontwerp – bymekaargekom by `n konferensie om idees uit te ruil. Terselfdertyd het hulle tot die ontdekking gekom dat van hierdie idees eintlik nogal innoverend is en met ander mense gedeel moet word. En so het TED talks ‘n lewe van sy eie gekry.
Ten spyte van TED se wêreldwye gewildheid, bly dit steeds `n nie-winsgewende organisasie wat oor die jare geleidelik gegroei het. Buite twee jaarlikse konferensies – die TED Konferensie en TEDGloba, sluit die TED-handelsmerk ook die bekroonde TED Talks video webwerf, die Open Translation Project en TED Conversations, die inspirerende TED Fellows, die TEDx-programme en die jaarlikse TED-prys.
Maar die mees populêre van al hierdie blyk die TED talks te wees. Omdat die praatjies by konferensies regoor die wêreld gelewer word, is dit aanlyn vrygestel en het dit kort voor lank `n globale gehoor gelok. Sedert Junie 2006 kan die praatjies gratis aanlyn gekyk en afgelaai word op TED.com onder die vaandel van die  Attribution-NonCommercial-NoDerivs Creative Commons license.Â
In Januarie 2009 is die toe-beskikbare videos 50 miljoen keer gekyk. In Junie 2011 het dit gestyg na 500 miljoen en op 13 November 2012, het TED sy biljoen perk bereik.
Aanvanklik het sprekers vanuit slegs drie velde – Tegnologie, Vermaak en Ontwerp – deelgeneem, maar oor die jare het dit uitgebrei na wetenskaplikes, filosowe, musikante, geestelike leiers, filantrope en vele meer. Vorige aanbieders sluit Bill Clinton, Jane Goodall, Malcolm Gladwell, Al Gore, Gordon Brown, Richard Dawkins, Bill Gates, Google-stigters Larry Page en Sergey Brin, en ander Nobelpryswenners, in.
Aangesien sprekers normaalweg net 18 minute toegeken word, moet dit wat hulle oordra, op die mees innoverende en interessante maniere vertel word om die gehoor se aandag te hou en dikwels word dit ook dan deur middel van storievertelling gedoen. Â
Vanaf Mei 2013 is meer as 1500 praatjies gratis aanlyn beskikbaar. Elke week word 5-7 nuwe praatjies gelaai. Onderwerpe strek van die verdwyning van bye tot hoe om stres te hanteer en alles tussen-in. Of jy iets informatief, inspirerend, geniaal of net eenvoudig verstommend soek, jy sal dit daar kry.
So waarvoor wag jy? Gaan soek `n bietjie inspirasie by http://www.ted.com/talks
 [SOURCE: www.wikipedia.org & http://www.ted.com/] Â
© 2013-2025 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.
