Konnektiwiteit
(English) Filesender – a secure service for sharing large files
Dinsdag, Februarie 5th, 2019
Toegang tot SUNLearn en ander stelsels
Maandag, Desember 3rd, 2018Gedurende die afgelope naweek het enkele stelsels gefaal. IT-personeel is Saterdag uitgeroep om na die probleme om te sien. Die ernstigste probleme het die volgende ingesluit:
• Geen toegang na SUNLearn (weens aantekenprobleme), opgelos
• Geen toegang na die eksamenlokaal-toepassing op my.sun.ac.za, opgelos
• Sun-e-HR aantekenprobleme, opgelos
Die stelselsaantekenfoute het ook Saterdagoggend ʼn impak gehad op ander stelsels. Hierdie foute het hoofsaaklik toegang van buite die Universiteitskampus beïnvloed.
Die probleem met toegang tot SUNLearn was ʼn ernstige bekommernis vir studente wat besig was om voor te berei vir eksamens en kon eers teen Sondagmiddag opgelos word. Hoewel die probleem nou opgelos is, is ʼn tydelike oplossing vir die probleem met die eksamenlokaaltoepassing gevind — ʼn lys met die eksamenlokale is op SUNLearn as kennisgewing geplaas.
IT vra om verskoning vir die ongerief wat veroorsaak is deur die stelsels wat gefaal het. Vir enige navrae kontak asb. die IT Dienstoonbank by 021 808 4367 of meld ʼn versoek aan op die ICT Partner Portal.
Strenger reëls vir VPN
Donderdag, Junie 21st, 2018ʼn Groot groep van ons personeel en studente gebruik FortiClient om VPN-toegang te verkry tot die Universiteitsnetwerk wanneer hulle nie op kampus is nie. Om te verseker dat ons netwerk veilig en sekuur bly, moet ons sekere maatreëls vir ons dienste in plek sit om die Universiteit te beskerm teen skade weens die onwettige gebruik van universiteitsbronne. Dis veral belangrik wanneer dit kom by toegang tot ons netwerk met VPN.
Vanaf 6 Augustus 2018 word daar vereis dat alle nuwe VPN-gebruikers registreer vir die diens. Indien jy sedert 1 Januarie 2018 VPN (FortiClient) gebruik, is jy outomaties reeds geregistreer en hoef jy nie weer aansoek te doen nie. As jy egter ʼn nuwe VPN-gebruiker is, volg asseblief die onderstaande instruksies:
- Die hoof van jou departement moet ʼn e-pos stuur na help@sun.ac.za wat motiveer hoekom jy VPN-toegang benodig vir werksdoeleindes.
- Nadat die versoek ontvang is sal jy ʼn e-pos ontvang wat jou registrasie vir VPN bevestig, tesame met instruksies vir die installasie van FortiClient, die sagteware benodig vir VPN-toegang.
ʼn VPN (Virtual Private Network) is ʼn metode om direk op die Universiteit se netwerk aan te teken met jou eie rekenaar wanneer jy nie op kampus is nie. Op dié manier kry jy, met behulp van toepassings wat reeds op jou rekenaar geinstalleer is, toegang tot interne US-bronne soos ander rekenaars, netwerkstoorspasie, webwerwe en joernale. VPN bied ʼn enkripteerde verbinding wat help verseker dat sensitiewe data veilig versend word, voorkom dat ongemagtigde persone afluister op die verbinding en jy sodoende veilig elders kan werk.
ʼn Sekure VPN-verbinding aan die US-netwerk d.m.v. FortiClient is nie nodig vir standaard, webgebaseerde dienste nie. Dit sluit e-pos, biblioteekbronne,SUNLearn en die SUN-e-HR webwerf in. Al hierdie dienste is reeds toeganklik via die internet sonder `n VPN-verbinding.
Meer inligting oor die gebruik van VPN en FortiClient is ook beskikbaar op ons dienskatalogus.
Pensioenarisse: Heraktivering van elektroniese dienste
Dinsdag, Februarie 27th, 2018Alle gebruikers van die US-netwerk moet jaarliks heraktiveer vir netwerkgebruik (e-pos, internet, ens.) Ook pensioenarisse wat steeds US-dienste gebruik moet deur die proses gaan om te verseker dat hulle steeds e-pos toegang het.
Die afgelope paar weke het gebruikers e-pos kennisgewings ontvang van helpinfo@sun.ac.za wat aandui dat hul gebruikersnaam gaan verval. Drie waarskuwings e-posse word normaalweg versend voor die afsnydatum op 1 April. Omdat sommige pensioenarisse hulle toegang self betaal en nie deur ʼn departementele kostepunt nie, verskil die betalingsmetodes. U kan op die volgende maniere u elektroniese toegang betaal:
EFT
Betaling van R345-00 d.m.v. EFT. Om die EFT-betaling te doen, moet Universiteit Stellenbosch as ʼn begunstigde op u internetbankdienste bygevoeg word. Kontak ons asb. vir die bankbesonderhede.
Kassiere by Admin
Kassiere by Admin A op Stellenbosch-kampus of op Tygerberg-kampus kan gebruik word.
Pensioenarisse betaal R345-00 by die kassiere met kwitansietipe 1107 (netwerkregistrasie)
Die US-nommer word ook benodig.
Vir enige navrae of terugvoer, kontak gerus die IT Dienstoonbank by 021 808 4367 of help@sun.ac.za
OneDrive for Business: Anonieme deel van lêers
Maandag, Januarie 22nd, 2018Informasietegnologie het onlangs ons OneDrive for Business–platform herevalueer om te verseker dat daar nie enige sekuriteitsrisiko’s vir ons gebruikers en netwerk is nie. Na aanleiding van die evaluering het ons ʼn aantal gebruikers geïdentifiseer wat die anonieme funksie (“Anyone with the link can view and edit”) op OneDrive gebruik om lêers te deel.
Indien lêers anoniem gedeel word, is daar geen beheer of rekord van wie toegang tot die gedeelde lêers het nie. Enige persoon met die skakel het toegang en kan inhoud verander. Dit bied ʼn hoë sekuriteitsrisiko vir die Universiteit en ons gebruikers. Gevolglik is ons verplig om die anonieme deel van lêers af te skakel.
Vanaf Donderdag, 1 Februarie 2018 sal jy nie meer lêers anoniem kan deel op OneDrive nie. Dit sal steeds moontlik wees om inligting te deel met interne en eksterne gebruikers, maar met ʼn strenger vlak van sekuriteit.
Handleidings vir die beste praktyk vir deel van lêers op OneDrive is beskikbaar by www.sun.ac.za/itselfhelp onder die Office365 afdeling of direk op hierdie bladsy. Indien jy enige navrae het, kontak asb. die IT Dienstoonbank deur e-pos te stuur aan help@sun.ac.za of 808 4367 te skakel.