Language:
SEARCH
  • Onlangse bydraes

  • Kategorieë

  • Argiewe

Internet

Vaste internetfooi nou ingesluit by netwerktoegang

Maandag, Februarie 8th, 2021

Aan die einde van 2019 het die US Raad saam met die jaarlikse begroting, ook ʼn nuwe internetmodel goedgekeur. Hierdie besluit het gelei tot die uitfasering van Inetkey – die programmatuur wat gebruik is om rekord te hou van internetverbruik en die verhaling van kostes. Alhoewel Inetkey steeds nodig was vir toegang tot die Internet is studente nie meer gedebiteer vir internetverbruik nie. Verhaling van personeel se internetverbruik is ook tydelik opgeskort tydens 2020.

Die konsep van “gratis” internet was egter net van toepassing op studente om te verseker dat hulle toegang het tot die nodige bronne om hulle studies effektief te kan voltooi. Internettoegang vir personeel moet steeds deur die toepaslike departemente en afdelings betaal word. Die Finansies-komitee het besluit op die heffing van ʼn jaarlikse fooi en op R674.00 (R57.83 per maand) vir 2021. 

Vanaf 2021 sal die jaarlikse internetfooi ingesluit word by die netwerkregistrasiefooi wat die heraktivering van gebruikersname insluit. Alle personeel se gebruikersname verval aan die einde van Maart en moet jaarliks aanlyn heraktiveer word. 

Tans is die jaarlikse koste van die ʼn gebruikersnaam op die netwerk as volg:

Internetfooi: R674.00
Netwerk/gebruikersnaam fooi: R287.00

Totaal: R961.00

Neem kennis dat die internetfooi slegs gehef word vir die “primêre gebruikersnaam”. Indien jy meer as een gebruikersnaam aan jou US-nommer gekoppel het, sal die internetfooi slegs eenmaal gehef word. (Byvoorbeeld in die geval van generiese departementele gebruikersname.)

Vir navrae oor die heraktivering van gebruikersname , teken asseblief ʼn versoek aan op die ICT Partner Portal of raadpleeg die dienskatalogus.

Navrae in verband met die internetfooi kan gerig word aan  Afdeling Finansies. 

Heraktiveer jou gebruikersnaam voor 1 April

Maandag, Februarie 8th, 2021

Alle personeel se netwerktoegang en gebruikersname verval outomaties einde Maart, tensy jy dit heraktiveer.

Om te verseker dat jy ononderbroke toegang tot IT-dienste (byvoorbeeld e-pos, internet, SUN-e-HR) het, stel ons voor dat jy dit so gou as moontlik afhandel. Neem in ag dat die kostepuntbestuurder eers jou aansoek moet goedkeur voordat jou toegang heraktiveer is. Laat dus voldoende tyd toe dat die proses afgehandel kan word sodat jou diens nie onderbreek word nie. 

Jy sal ʼn e-pos van helpinfo@sun.ac.za ontvang wat aandui dat jou gebruikersnaam (“engagement”) gaan verval. Drie waarskuwings word gestuur voor einde Maart. Alternatiewelik kan jy ook  direk na die heraktiveringsblad gaan wanneer jy verkies.

Sodra jy aangeteken is op die heraktiveringsblad, kan jy kies watter dienste jy wil heraktiveer. Bo-aan die bladsy, kry jy die geleentheid om die EKB (Elektroniese Kommunikasiebeleid) te lees. Ons beveel aan dat jy dit eers lees sodat jy jouself kan vereenselwig met die voorwaardes wat verbonde is aan jou netwerkgebruik. 

Kies die dienste waarvoor jy wil heraktiveer:

 

Heraktivering van internet-gebruikersname is nie meer nodig nie en kan geignoreer word.

Maak seker dat die korrekte kostepunt en projek (indien van toepassing) ingevul is.

Kliek Accept and Reactivate.

Die webblad sal aandui dat jou versoek ontvang is en dat jy ʼn e-pos sal kry wanneer dit goedgekeur is. Jy sal ook dadelik ʼn e-pos kry om te bevestig dat jou versoek ontvang is. 

Die useradm webwerf sal aandui dat die aansoek nog goedgekeur moet word deur die kostepuntbestuurder. Sodra dit goedgekeur is, sal die toegang geskuif word na einde Maart volgende jaar.

Indien bogenoemde stappe suksesvol voltooi het en jy nogsteeds e-posse ontvang vanaf helpinfo@sun.ac.za  oor heraktivering, kontak asb. die IT Dienstoonbank by  021 808 4367 of stuur ʼn e-pos aan help@sun.ac.za. Die rede hiervoor mag die status van jou rol by die universiteit wees. 

Internet aftyd weens firewall opgradering

Donderdag, Februarie 4th, 2021

Gedurende die naweek van 19 Februarie word die verouderde firewall wat tot op hede gebruik is vir toegang vanaf kampus na die internet vervang met splinternuwe tegnologie. 

Weens die vervanging van die kampusnetwerk firewall sal die internet vanaf Saterdag, 20 Februarie 2021 om 10:00 tot Sondag, 21 Feb 2021 om 12:00 nie beskikbaar wees nie. Hierdie opgradering vind plaas tydens die geskeduleerde, kwartaalikse onderhoudsnaweek.

Vervolgens sal geen internetverkeer na of van kampus moontlik wees nie. Dit sluit VPN-toegang tot die US intranet en alle dienste wat op die netwerk gehuisves word in.  

Na die vervanging gaan Inetkey nie meer nodig wees vir internettoegang nie. 

 

 

FortiClient VPN vervang met Citrix

Dinsdag, Februarie 2nd, 2021

Heelwat personeel gebruik reeds vir `n geruime tyd die FortiClient VPN om toegang te kry tot die Universiteit se interne dienste, byvoorbeeld

  • TeraTerm
  • SSH of remote desktop na jou werkrekenaar of bediener vir toegang tot spesialisprogrammatuur of -bronne.
  • Drive mapping (G: H: en P:) en ander dienste asof jy in jou kantoor is. 

FortiClient is egter gebou op verouderde tegnologie en is sedert einde Februarie nie meer die verstek VPN (Virtual Private Network) diens nie.

Informasietegnologie het die nuwe diens beskikbaar gemaak vir personeel en studente. Citrix Gateway sal jou toegang gee tot interne, Universiteitsgebaseerde toepassings via die Internet. Hierdie diens, sowel as die Universiteit, word sodoende beskerm deur veelfaktorbekragtiging vir die verifikasie van identiteit en vereis ook dat `n toestel moet voldoen aan spesifieke vereistes voordat dit op die US-netwerk toegelaat word.

Windows-gebruikers:

Indien jy `n Windows-gebruiker is, stel ons voor dat jy so gou moontlik FortiClient met die Citrix Gateway programmatuur vervang.

Linux-gebruikers:

Ongelukkig kan Linux-gebruikers Citrix op slegs die volgende weergawes gebruik: 

  • Ubuntu LTS 14.04 LTS en 16.04 LTS. (32-bit en 64-bit)  

Indien jy enige ander Linux-weergawes gebruik, moet jy ongelukkig steeds FortiClient gebruik totdat `n alternatief beskikbaar is. Instruksies vir die installasie van FortiNet is hier beskikbaar. 

Apple-gebruikers:

Gebruikers met Apple-toestelle soos MacBooks en iMacs kan `n versoek aanteken op die ICT Partner Portal vir hulp met installasies.

Hoe kry ek die Citrix Gateway-programmatuur?

Studente en permanente personeel wat Windows gebruik kan migreer na die Citrix VPN-diens deur via hulle webblaaier te gaan na https://securevpn.sun.ac.za en die instruksies te volg.

SunID-gebruikers moet asb. `n versoek aanteken op die ICT Partner Portal en die Remote Access-opsie heel bo kies. Sodra `n tegnikus jou gekontak het en al die inligting is verskaf, kan jy migreer na die SU VPN MSP-dien deur na https://suvpnmsp.sun.ac.za te gaan en die instruksies op die skerm te volg.

Alternatiewelik kan jy `n versoek aanteken om hulp aan te vra met die opstelling van VPN op die ICT Partner Portal

 

 

 

 

WiFi-toegang op kampus

Dinsdag, November 17th, 2020

Sedert die begin van die jaar is MatiesWiFi nie meer op kampus beskikbaar nie en sal alle gebruikers moet oorskakel na eduroam.  

Die motivering agter die verandering is om vir sekuriteitsredes weg te beweeg van `n minder veilige WiFi-opsie (MatiesWiFi) na WiFi waar jou data en identiteit enkripteer en beveilig word (eduroam).

Toegang tot eduroam as jou toestel geregistreer is

Indien jou toestel alreeds op US WiFi netwerk vir MatiesWiFi of Secure geregistreer is, sal dit outomaties aan eduroam kan koppel. Gebruik jou volle gebruikersnaam (xxxx@sun.ac.za ) en wagwoord om aan te teken. In plaas van MatiesWiFi of Secure kies net die Eduroam netwerk op jou toestel se WiFi-verstellings. Indien jy toegang tot die internet via eduroam benodig, moet jy steeds Inetkey oopmaak.

Volledige instruksies is hier beskikbaar.

Toegang tot eduroam as jou toestel nie geregistreer is nie

Indien jou toestel nie geregistreer is vir die US WiFi-netwerk nie, gebruik asb. Registerme om te registreer. Elke toestel moet apart geregistreer word, maar jy kan tot 5 toestelle op die US WiFi-netwerk registreer.

Neem kennis dat hierdie aanwysings net van toepassing is vir die registrasie van jou toestel op die eduroam WiFi-netwerk. Enige ander netwerkregistrasies kan op ons ICT Partner Portal aangevra word. 

Meer inligting oor WiFi op kampus.

 

 

© 2013-2024 Disclaimer: The views and opinions expressed in this page are strictly those of the page author(s) and content contributor(s). The contents of this page have not been reviewed or approved by Stellenbosch University.