malware
(English) How do I report phishing?
Dinsdag, Oktober 5th, 2021
Malware-waarskuwing
Dinsdag, April 16th, 2019
E-pos met die onderwerpe “Have you received your payment” en “Apply for a loan” word tans aan studente en personeel versend. Moet asb. nie hierdie e-posse oopmaak nie aangesien dit leêrs met malware bevat wat jou toestel sal besmet.
Wanneer jy e-posse met aanhangsels ontvang van onbekende versenders, hou in gedagte dat jy nie die aanhangsels moet oopmaak nie aangesien dit skadelike inhoud kan bevat.
Indien jy vermoed dat jou rekening of toestel gekompromitteer is of jy agterdogtige aktiwiteite oplet:
- Verander dadelik jou wagwoord by www.sun.ac.za/password.
-  Kontak die IT Dienstoonbank deur ʼn versoek aan te meld of 808 4367 te skakel.
- Meer inligting is beskikbaar op ons blog en Twitter.
(English) Learn What It Takes to Refuse the Phishing Bait!
Woensdag, Februarie 1st, 2017Whatsapp-verblindery
Woensdag, November 23rd, 2016WhatsApp word deur studente en personeel gebruik as belangrike kommunikasiemiddel. Ongelukkig bied dit aan kuberdiewe nog ʼn platform om hul aktiwiteite op uit te oefen.Â
WhatsApp kuberstreke kom in verskeie formate voor en is dikwels besonder oortuigend.  Maak seker jy bly oplettend en word nie geflous deur iets wat te goed of te problematies om waar te wees lyk nie. Net omdat ʼn familielid of vriend vir jou iets aanstuur, beteken nie dis veilig nie.
Koepon-truuks
Jy kry ʼn boodskap via Whatsapp van (wat lyk soos) een van jou vriende en hy beveel ʼn aanbod waarop hy afgekom het, aan. Gewoonlik is daar ʼn skakel in die boodskap wat jou na ʼn ander webwerf neem en waar jy jou persoonlike inligting invul. Moet nooit op ʼn skakel kliek waaroor jy nie seker is nie en moet definitief nooit persoonlike inligting gee op ʼn webwerf wat jy nie ken nie.Â
WhatsApp maak toe
Daar is heelwat vals boodskappe wat beweer dat Whatsapp gaan toemaak indien genoeg mense nie ʼn spesifieke boodskap deel nie. Die boodskappe lyk dikwels heel oortuigend en gebruik die regte woorde en frases vir die konteks, asof dit deur ʼn direkteur van ʼn maatskappy of iemand amptelik gestuur is.Â
ʼn Amptelike verslag sal egter nie van kliënte verwag om dit heen en weer te stuur nie. Dit sou deur middel van normale nuuskanale verkondig word of as ʼn kennisgewing in die toepassing self deur die Whatsapp-span.
WhatsApp dreig om jou rekening te sluit
Hierdie voorbeeld is soortgelyk aan die vorige een. Dit lyk soos ʼn amptelike boodskap wat beweer dat jou Whatsapp-rekening gesluit gaan word omdat dit nie aktief gebruik word nie. Dit versoek dat jy die boodskap aanstuur om te bewys dat dit wel gebruik word.
WhatsApp dwing jou om te betaal
Ook soortgelyk aan die vorige kuberdiefstalpoging. Die enigste verskil is dat jy blykbaar vrygeskeld word van betaling indien jy die boodskap aanstuur na ander persone.
WhatsApp Gold of WhatsApp Premium
Dié boodskap stel voor dat jy ʼn spesiale weergawe van Whatsapp, gewoonlik genoem Gold of Premium, koop of aflaai. Blykbaar bied hierdie nuwe weergawes opwindende ekstra kenmerke, soos die vermoeë om meer fotos te stuur, nuwe emojis te gebruik of ekstra sekuriteitsopsies. Ongelukkig is hierdie verbeterde weergawes glad nie veilig nie. Wanneer die toepassing aflaai word, word die foon besmet met malware, wat opsigself meer vals boodskappe genereer op jou onkoste.
Whatsapp e-posseÂ
Gemorspos e-posse is erg genoeg, maar saam met Whatsapp raak dit onbeheerbaar. Daar is ʼn verskeidenheid kuberdiefstalpogings daar buite wat e-posse uitstuur wat soos Whatsapp-kennisgewings lyk – gewoonlik ʼn kennisgewing van ʼn verlore oproep of stempos. Maar wanneer jy daarop kliek, word jy oortuig dat jou inligting, wagwoord, ens. moet verklap.
Moet nooit op ʼn e-pos van ʼn twyfelagtige sender kliek nie. Whatsapp stuur nie e-posse oor verlore oproepe of stempos nie.Â
Onegte WhatsApp afloer-toepassings
Whatsapp gebruik end-to-end enkripsie en gevolglik is dit nie moontlik om iemand anders se boodskappe te lees nie. Boodskappe kan slegs gelees word deur die fone wat dit stuur en ontvang.
Hierdie pogings moedig jou aan om iets af te laai wat nie bestaan of moontlik is nie. Jy betaal eintlik vir malware wat jou eie boodskappe lees wanneer jy dit op jou foon laai.
Laastens –
Hopelik het jy reeds die verstelling verander wat jou Whatsapp-details (telefoonnommer, naam, ens.) met Facebook deel en sal Facebook nie jou Whatsapp-rekening toeganklik maar vir 13 miljoen Facebook-gebruikers nie.Â
Meer inligting oor dié kontroversiële beleidsverandering deur Whatsapp kan op die volgende bladsy gelees word:  http://www.mirror.co.uk/tech/you-can-stop-whatsapp-sharing-8893949
[ARTICLE DEUR DAVID WILES]
Hoe om gemorspos te voorkom
Donderdag, Maart 17th, 2016Gemorspos is ongewensde massa e-pos. Dis dikwels winsgewend vir die versenders aangesien miljoene e-posse in `n enkele veldtog gestuur kan word teen `n lae koste. As slegs een ontvanger uit 10,000 `n aankoop maak, kan die versender `n wins maak. Ongelukkig is gemorspos meer as net `n irritasie. Dit word ook gebruik om malware te versprei.Â
Hier is `n paar wenke om te verhoed dat jou posbus oorloop van ongewensde, twyfelagtige e-posse.
Moet nooit iets koop deur gemorspos nie.
Deur iets te koop, befonds jy toekomstige gemorspos. Jy bevestig daarmee dat jou e-pos geldig is en jou e-posadres word dan bygevoeg op `n lys om te herverkoop aan ander gemorsposversenders. Jy sal derhalwe nog meer ontvang en stel jouself bloot aan moontlike bedrog.
Ken jy die persoon wat dit stuur? Nie? Vee dit uit.
Gemorspos kan malware bevat wat jou rekenaar besmet as jy die e-pos oopmaak.
Moenie die voorskou-opsie in jou e-posprogram gebruik nie.
Versenders van gemorspos kan sien of jy na die boodskap gekyk het, al maak jy dit nie oop nie. Die voorskou-verstelling maak inderwaarheid die e-pos oop en laat weet die versender dat die boodskap ontvang is. Wanneer jy e-pos lees, kyk na die onderwerpreël en probeer daarvolgens bepaal of dit gemorspos is.
Moenie jou e-pos onnodig blootstel nie.
Die grootste faktor wat bepaal hoeveel gemorspos jy kry, is hoeveel jy self jou e-posadres aanlyn blootstel. Hier is `n paar slegte gewoontes wat jou risiko verhoog:
– Jy stuur e-posse na adreslyste wat aanlyn gestoor word.
– Jy gee jou adres vir aanlyndienste waarvan die privaatheidspraktyke twyfelagtig is.
– Jy stel jou adres op sosiale netwerke bloot (Facebook, LinkedIn, ens.)
– Jy gebruik `n adres wat gebaseer is op jou naam, van en maatskappy.
– Jy gebruik een e-posadres vir werk en persoonlike sake.Â
Gebruik die bcc-veld as jy vir `n groep mense e-pos stuur.
Die bcc of blind carbon copy veld steek die lys ontvangers weg. As jy al die adresse in die To veld sit, kan almal, ook gemorsposversenders, dit lees, en by hul eie adreslyste voeg. Â
Gebruik een of twee sekondêre e-posadresse.
Wanneer jy webgebaseerde registrasievorms of opnames invul en daarna nie weer gepla wil word met inligting nie, gebruik `n ander, sekondêre adres vir die doel.
Kies om nie inligting of aanbiedinge te ontvang nie.Â
Wanneer jy vorms op webwerwe invul, kyk vir die boksie wat jou die opsie gee om nie verdere inligting of aanbiedinge te ontvang nie. Verwyder die merkie af as jy nie gepla wil wees nie.
Neem kennis dat al hierdie inligting geneem is van die Sophos Threatsaurus, saamgestel deur Sophos, `n sekuriteit sagte- en hardwaremaatskappy.Â