Elsenburg Landbou Opleidingsinstituut is geleë naby Stellenbosch in die Wes-Kaap, met ‘n baie trotse geskiedenis. Elsenburg, soos dit bekend staan, is in 1898 gestig en bied ‘n B.Landbou graad aan in samewerking met die Universiteit van Stellenbosch, ‘n Diploma in Landbou en ‘n Leerlingskapprogram. Kort kursusse wat strek tussen twee tot tien dae word ook aangebied. Met die B.Landbou graad het die studente die keuse tussen die volgende vakrigtings; Plantproduksie, Diereproduksie, Plant- en Diereproduksie, Keldertegnologie – en bestuur, Voorligting en Plantproduksie en Voorligting en Diereproduksie. Tydens die Diploma in Landbou kan die studente kies tussen Diereproduksie, Plantproduksie, Plant-en Diereproduksie en Keldertegnologie. Die Leerlingskapprogram bied ‘n keuse tussen Plantproduksie of Diereproduksie.