Lettere en Sosiale Wetenskappe
Die Departement Inligtingwetenskap bied voor- en nagraadse programme aan op die gebied van inligting- en kennisstelsels, met spesifieke fokus op die ontwerp en ontwikkeling van besigheidstoepassings van inligtingstegnologieë. Ons aanbod neem 'n sosio-tegniese perspektief aan wat die belyning van menslike en tegniese elemente in stelselontwerp beklemtoon.
empty
empty tag
Watter voorgraadse programme kan ek studeer?
Studente kan kies tussen twee programme. Die eerste opsie is die BCom (Bestuurswetenskappe) program met Fokusarea Inligtingstelselbestuur. Hierdie program word aangebied in die Fakulteit Ekonomiese en Bestuurswetenskappe en benodig 'n minimum van 60% in Wiskunde vir toelating. Alternatiewelik kan jy die BA (Geesteswetenskappe) program voltooi wat Wiskunde kode 4 (50%) of Wiskundige Geletterdheid kode 6 (70%) vereis. In albei hierdie programme kan jy ons modules volg en op grond daarvan toegang verwerf tot ons honneursprogram - 'n eenjarige program is wat volg op die baccalaureusgraad.
Na watter loopbane lei hierdie programme?
In die verlede was posbeskrywings min en maklik. Die meeste poste was goed omskryf, bestaan uit herhaling en het min verskeidenheid. Ons staan vandag voor 'n heel ander werklikheid. Studies toon dat 80% van die poste wat mense oor vyf jaar sal doen, nog nie eens bestaan nie! Informatikakursusse is nie bedoel om u slegs vir een spesifieke werk op te lei nie (jy sal waarskynlik verskillende werke tydens jou loopbaan!) Die programme stel jou bekend aan die werklikheid van werk in die kennisekonomie. Ons studente volg ‘n wye verskeidenheid loopbane, insluitend (maar nie beperk tot):
- IT-besigheidsontleder
- IT konsultant
- Inligtingstegnologiebestuurder
- Gebruikerservaringsontwerper
- Sagteware ontwikkelaar
- Databasisadministrateur
- Ondernemingsargitek
- Stelselontlede
Waar kan ek meer uitvind?
Besoek gerus ons webwerf by http://suinformatics.com.