Lettere en Sosiale Wetenskappe
Die Departement Inligtingkunde is uniek vanweë sy doelgerigte ondersoek na die voortdurende ontwikkeling van die verhouding tussen inligtingstegnologieë en die omgewings waarin dit gebruik word. Ons voorgraadse programme in Inligtingstelsels kombineer tegniese vaardighede met insig in sakeprosesse en sosio-tegniese stelsels – ’n unieke benadering wat beide praktyk en konteks integreer.
Ons nagraadse studierigtings sluit verdere studies in Inligtingstelsels in – deur middel van ons toonaangewende Baccalaureus in Informatika Honneurs-program – asook gevorderde kwalifikasies in Inligtings- en Kennisbestuur. Hierdie programme is gerig op sowel akademiese navorsers as professionele persone wat leierskapsrolle binne organisasies vervul.
BCom (Bestuurswetenskappe): Inligtingstelselsbestuur
Hierdie program kombineer kernmodules in bestuurswetenskappe met inligtingstelsels en rus jou toe met die nodige vaardighede om tegnologie in organisasies te integreer en bestuur. Daar is ’n sterk klem op praktiese toepassing.
BA (Geesteswetenskappe) met Sosio-informatika en Organisasie-informatika
Hierdie interdissiplinêre program fokus op die kruispunt van tegnologie, samelewing en kultuur. Sosio-informatika en organisasie-informatika help jou om werklike uitdagings op die gebied van inligting, mense en strukture aan te spreek.
empty
empty tag
Watter voorgraadse programme kan ek studeer?
Studente kan kies tussen twee programme. Die eerste opsie is die BCom (Bestuurswetenskappe) program met Fokusarea Inligtingstelselbestuur. Hierdie program word aangebied in die Fakulteit Ekonomiese en Bestuurswetenskappe en benodig 'n minimum van 60% in Wiskunde vir toelating. Alternatiewelik kan jy die BA (Geesteswetenskappe) program voltooi wat Wiskunde kode 4 (50%) of Wiskundige Geletterdheid kode 6 (70%) vereis. In albei hierdie programme kan jy ons modules volg en op grond daarvan toegang verwerf tot ons honneursprogram - 'n eenjarige program is wat volg op die baccalaureusgraad.
Na watter loopbane lei hierdie programme?
In die verlede was posbeskrywings min en maklik. Die meeste poste was goed omskryf, bestaan uit herhaling en het min verskeidenheid. Ons staan vandag voor 'n heel ander werklikheid. Studies toon dat 80% van die poste wat mense oor vyf jaar sal doen, nog nie eens bestaan nie! Informatikakursusse is nie bedoel om u slegs vir een spesifieke werk op te lei nie (jy sal waarskynlik verskillende werke tydens jou loopbaan!) Die programme stel jou bekend aan die werklikheid van werk in die kennisekonomie. Ons studente volg ‘n wye verskeidenheid loopbane, insluitend (maar nie beperk tot):
- IT-besigheidsontleder
- IT konsultant
- Inligtingstegnologiebestuurder
- Gebruikerservaringsontwerper
- Sagteware ontwikkelaar
- Databasisadministrateur
- Ondernemingsargitek
- Stelselontlede
Waar kan ek meer uitvind?
Besoek gerus ons webwerf by http://suinformatics.com.