Lettere en Sosiale Wetenskappe

Tuis > Uitstallings > Fakulteite > Lettere en Sosiale Wetenskappe > Joernalistiek

Joernalistiek

Video

Waar ’n nuwe generasie bedryfskundiges gevorm word

Die samesmelting van tradisie, innovasie en werklike toepassing om môre se joernaliste en media-kundiges te skep

Welkom by die Departement Joernalistiek – jou poort na ’n loopbaan in mediapraktyk en -navorsing. Ons Departement bied ’n reeks programme wat jou voorberei vir werk in die breër mediabedryf, jou die rol van media in demokratiese samelewings laat verstaan, en jou voorberei om navorsing te doen oor die vinnig veranderende globale medialandskap. As jy belangstel in verdere studie en navorsing in die joernalistiek en mediastudies, sien ons uit daarna om van jou te hoor! Die Departement Joernalistiek bied ’n reeks nagraadse programme aan wat as ’n wegspringplek dien vir individue wat hul loopbane op die gebied van joernalistiek en mediapraktyk en -navorsing wil bevorder. Hierdie programme rus gegradueerdes toe met die nodige vaardighede en kennis sodat hulle kan uitblink in die dinamiese wêreld van joernalistiek en mediapraktyk en -navorsing.

Explore more | Verken meer

JANUS

SMF

x

Journalism Brochure

empty

empty tag

Wat is ’n “nagraadse” graad?

Jy kan slegs ’n nagraadse graad doen wanneer jy reeds gegradueer het met ’n voorgraadse graad. Dit beteken jy kan nie by Stellenbosch joernalistiek direk ná matriek studeer nie, maar eers nadat jy jou voorgraadse studies geslaagd afgehandel het.

Wat het ek nodig om toegang tot die joernalistiekhonneursgraad te kry?

Jy kan enige voorgraadse program (BA, BCom, BSc, ens.) van ten minste drie jaar studeer.

Wat is die keuringskriteria om tot die joernalistiekhonneursprogram toegelaat te word?

Jy moet jou voorgraadse graad suksesvol voltooi het. Daar is ’n keuringstoets wat jou algemene kennis en skryfvaardighede toets. As jy goed vaar in die toets, word jy vir ’n onderhoud uitgenooi.

Hoeveel studente aanvaar die Departement Joernalistiek jaarliks vir dié kursus?

Die departement aanvaar slegs 26 studente per jaar vir dié kursus. Dis ’n baie praktiese program waarin elke student individuele aandag kry.

Wat kan ek doen om my kanse te verbeter om gekeur te word vir die BAHons Joernalistiekprogram?

Jy kan jou kanse op toelating tot die nagraadse kwalifikasie verbeter deur in jou voorgraadse jare by mediaorganisasies op kampus betrokke te raak; bly op hoogte van nuusgebeure deur joernalistieke bronne te lees, daarna te luister, dit te kyk en te volg; behaal goeie punte in jou voorgraadse kursusse. En lees. Lees. Lees!