Jy kan die minimum toelatingsvereistes vir alle programme vind op www.maties.com.

Nee, die universiteit waarborg u nie ’n plek in ’n program nie as u aan die minimum toelatingsvereistes voldoen nie. Gewoonlik is daar by alle programme ’n vorm van ’n keuringsproses.

Tegnies gesproke is u ’n student van die Fakulteit Lettere en Sosiale Wetenskappe. U ontvang u graad van hierdie fakulteit. Aangesien ’n groot aantal van u modules in die Regsfakulteit aangebied word, sal u egter by die verwelkomingsprogram van die Regsfakulteit aansluit, en die Fakulteit sal u ook dan bystaan met sekere administratiewe navrae.

Tegnies gesproke is u ’n student van die Fakulteit Ekonomiese en Bestuurswetenskappe. U ontvang u graad van hierdie fakulteit. Aangesien ’n groot aantal van u modules in die Regsfakulteit aangebied word, sal u egter by die verwelkomingsprogram van die Regsfakulteit aansluit, en die Fakulteit sal u ook dan bystaan met sekere administratiewe navrae.

Alhoewel die Fakulteit nie spesifieke beurse vir eerstejaar regstudente het nie, kan u aansoek doen om finansiële ondersteuning by die sentrale kantoor, aan die Universiteit Stellenbosch. Raadpleeg hul webwerf vir meer inligting, sowel as die Beurse en Lenings Jaarboek.

Die Fakulteit het wel enkele beurse beskikbaar vir studente in nood gedurende die latere studiejare, wat toegeken word op grond van akademiese meriete en behoeftes.

Alhoewel dit gewoonlik nie raadsaam is om in algemene terme oor die karaktereienskappe van ’n groep mense te praat nie – aangesien die groep uit individuele persone bestaan wat almal uniek is – kan daar tog kommentaar gelewer word oor die eienskappe van ’n 'tipiese' regstudent: Ons studente is geneig om nuuskierig en gedetailleerd te wees, en gefokus te wees op die ontwikkelinge rondom hulle wat mense of die breër samelewing beïnvloed. Hulle is nie bang om standpunt in te neem nie, maar is daarop bedag dat sienings kan verander namate meer inligting aan die lig kom. Hulle besit gewoonlik ’n sterk, inherente bewussyn vir geregtigheid – deurdat hulle weet wanneer iets verkeerd is, en dat iets daaraan gedoen moet word. Hulle het waardering vir hoe die lees en absorbering van inligting hulle kan bemagtig om begrip te kry vir iets wat ander net nie verstaan nie of nie aan steur nie. Hulle is analities in hul denke en wil graag verstaan waarom dinge is soos dit is, eerder as om dit net te aanvaar sonder verdere ondersoek. Hulle geniet die leer van iets nuuts. Hulle hou daarvan om aan ander te verduidelik wat hulle geleer het. Hulle neem kennis van die gevare wat saamgaan met gevolgtrekkings wat te vinnig gemaak word. Hulle is bewus daarvan dat meeste dinge oop is vir interpretasie. Hulle verstaan dat ’n oortuigende argument nie noodwendig dieselfde is as ’n gesaghebbende argument nie. Hulle is nie bang om hard en konsekwent te werk nie. Hulle plaas baie waarde op die belangrikheid van lewenslange leer. Hulle erken die moontlike rol wat hulle in die konteks van die breër samelewing kan vervul. Hulle waardeer die belangrikheid daarvan om kreatief te kan dink en redeneer. Hulle is selfbewus en erken hul eie betrokkenheid by en verantwoordelikheid vir hulle uiteindelike sukses en toekomsplanne.

Nee, die Fakulteit onderskei nie tussen aansoekers met IEB- of NSC-uitslae nie. Die Nasionale Normtoets word as ’n gelykmaker gebruik.

Kyk gerus na die taalplan van die Universiteit, (klik hier).

Let daarop dat die Universiteit se taalbeleid en -plan elke vyf jaar oorweeg en hernu word, om te verseker dat dit op datum is en ooreenstem met die vereistes en verwagtinge van die Universiteit se studente, personeel en die breër Suid-Afrikaanse konteks. As ’n nuwe student het u die keuse om in Afrikaans of Engels te studeer, en sal u al u toetse en eksamens in beide tale kan beantwoord. Verder sal formele akademiese materiaal ook in beide tale verskaf word.

Studente wat in 2021 met hul graad begin het, sal slegs deur die nuwe programme geraak word as hulle nie modules slaag nie. Die jaarboek bevat oorbruggingsreëls wat verduidelik wat u moet doen as ’n module nie geslaag word nie. Studente wat vanaf 2022 met hul program begin, begin dan met die hernieude kurrikulum vir regsprogramme en voltooi hul grade daarvolgens. Die belangrike punt om te beklemtoon is dat presies dieselfde grade nog aangebied word. Dit is meestal die kombinasie van modules in die programme, die name van modules en die krediet-lading van sommige modules wat verander. Sommige nuwe modules word bekendgestel en die inhoud van sommige voormalige modules word in verskillende modules ingewerk. Die inhoud van die hernieude programme is egter grootliks dieselfde.

Aansoekers vir regsprogramme moet die Nasionale Normtoets aflê vir keuringsdoeleindes. ’n Aansoeker wat nie die Nasionale Normtoets betyds aflê nie, sal slegs op grond van hul graad 11-uitslag ingedeel word (met ’n 0 wat dan bereken word vir die Nasionale Normtoets).

Die Fakulteit Regsgeleerdheid gebruik die Nasionale Normtoets om die finale Graad 11-uitslae uit die wye verskeidenheid skole en verskillende skoolstelsels te balanseer.

Ons word toenemend hierdie vraag gevra, in ag genome al die gesprekke regoor die wêreld oor kunsmatige intelligensie (KI), outomatisering, groot-data-analise, wolk-rekenaarverwerking (cloud computing) en dies meer – en die impak wat dit sal hê (en het) op die tradisionele regsvelde. Daar is geen twyfel dat sekere regsgebiede, soos dit tans funksioneer, toenemend deur tegnologie beïnvloed sal word nie, tot die punt waar die behoefte – of die mate van betrokkenheid – deur prokureurs of regsgegradueerdes verander gaan word. Dit is veral so in die loopbane wat tradisioneel sterk beïnvloed is deur die 'transaksionele' regs-interaksies, wat daarop gemik is om te bevestig dat die nodige voorwaardes vir die wettige transaksie bestaan, en indien wel – dan geld dit, en indien nie – dan geld dat. Maar hoewel aspekte van die regsbedryf deur tegnologie beïnvloed gaan word, bly dit belangrik om die menslike element en die interaksie tussen die partye, wat so dikwels die basis van die reg vorm, te erken. Dit is die rede hoekom daar altyd ’n plek sal wees vir gegradueerdes en hul unieke perspektief op die wêreld en sy inligting, wat deur hul regsopleiding bewerkstellig word. As regstudent van Stellenbosch, sou u aan hierdie veranderinge (huidige en toekomstige) blootgestel wees deur modules soos Die Reg en Tegnologie, en binne enige aantal van u verskillende regsmodules – waar die oorvleueling tussen toekomstige tegnologieë en die bestaande regstelsel, ondersoek sou word.

U sal gewoonlik slegs spesialiseer in u nagraadse studies (Magister in die Regsgeleerdheid of ’n Nagraadse Diploma) of in die praktyk. In u laaste jaar van die LLB-graad word u egter blootgestel aan sekere keusevakke wat deel kan uitmaak van die grondslag vir verdere spesialisering in ’n regsgebied.

Nee, die Fakulteit oorweeg slegs aansoeke op akademiese meriete. Die rede hiervoor is dat nie alle aansoekers dieselfde geleenthede in hul onderskeie skole gehad het nie. As sodanig is die Fakulteit baie bedag daarop dat hulle nie die aansoek moontlikhede van voornemende studente wil beperk op grond van watter skool hulle bygewoon het nie, en watter fasiliteite by daardie skole beskikbaar was nie.