Die NNT is ’n assesseringstoets wat aangewend word vir eerstejaar aansoekers tot hoër onderwysinstellings. Die toets assesseer ’n kandidaat se vermoë om sy/haar begrip van akademiese geletterdheid (taalvaardigheid), kwantitatiewe geletterdheid (syfervaardigheid) en Wiskunde binne ’n tersiêre (hoër onderwys) konteks toe te pas.

Slegs aansoekers van die School of Tomorrow en aansoekers vir die Fakulteit Regsgeleerdheid. 

• As Wiskunde ’n toelatingsvereiste is vir die program waarvoor jy aansoek doen moet jy die Wiskundevraestel ook voltooi.
• Indien jy aansoek doen by die Fakulteit Regsgeleerdheid (BA Regsgeleerdheid, BCom Regsgeleerdheid, BRekLLB, LLB (vierjarige)) moet jy die NNT voor 16 Julie aflê.
• School of Tomorrow aansoekers moet hulle NNTs voor die einde van 2021 aflê om te verseker dat die resultate beskikbaar is voor registrasie.​ ​Besoek www.nbt.ac.za vir toetsdatums en besprekings.

Sien die minimumvereistes in vraag 9 hier onder

Jy moet Wiskunde as skooleindvak hê. Wiskundige Geletterdheid word glad nie oorweeg nie.

Nee, tensy jy kwalifiseer vir die VGP, dan kan jy aansoek doen om oorweeg te word vir toelating tot die Verlengde graadprogram (VGP). Sien vraag 6 hieronder.

Nee, ons bied nie 'n oorbruggingskursus aan nie, maar ons het 'n Verlengde Graadprogram (VGP) wat ingestel is om studente met bewese potensiaal, maar met skoolonderrig wat te kort skiet te help om hulle graadprogram te kan bemeester. 'n Bykomende jaar van studie is by die hoofstroom graadprogram gevoeg om die VGP te vorm. Hierdie ekstra jaar word gebruik om studente voor te berei deur middel van addisionele akademiese steun vir spesifieke hoofstrooomvakke, en vir universiteitstudies in die algemeen. VGP- en hoofstroomstudente verwerf dieselfde graad na die voltooiing van hul voorgraadse studies. Die enigste verskil is dat VGP-studente hulle eerste jaar oor twee jaar doen.

Ja, dit is baie belangrik dat jy meer as een keuse aandui. Die rede waarom jy drie programme kan aandui, is omdat sekere programme uitgebreide toelatingskriteria het en die moontlikheid bestaan dat jy nie noodwendig vir jou eerste keuse gekeur gaan word nie. Maar dan kan jy steeds vir jou tweede of derde keuse keuring kry.

Indien jy egter byvoorbeeld in kennis gestel word dat jy vir jou tweede keuse gekeur is, beteken dit egter nie dat jy nie meer vir jou eerste keuse oorweeg sal word nie.

'n BSc in Menslike Lewenswetenskappe is 'n goeie alternatief, maar SLEGS as jy in Fisiologiese Wetenskappe belangstel, aangesien daar GEEN waarborg is dat jy vir medies aanvaar gaan word nie. Jy kan enige ander program waarin jy belangstel volg alvorens jy weer vir medies aansoek doen. Slegs 'n paar studente word vir medies gekeur na die eerste jaar van BSc en jy moet al jou vakke met onderskeiding slaag. Jy kan ook vir medies aansoek doen nadat jy jou BSc-graad verwerf het, maar jy moet ook jou graad met onderskeiding verwerf om vir keuring te kwalifiseer. Raadpleeg die Fakulteit Natuurwetenskappe se Jaarboek (Deel 5) vir meer besonderhede: http://www.sun.ac.za/english/Documents/Yearbooks/Current/Science.pdf

Vir toelating tot die BSc-graadprogram in die Fakulteit Natuurwetenskappe, moet jy aan die volgende vereistes voldoen:

Raadpleeg die Fakulteit Natuurwetenskappe se Jaarboek (Deel5) vir meer besonderhede.

2. Bykomende vereistes vir alle aansoekers

• As voornemende student moet jy die Nasionale Normtoetse (NNT’s) skryf, wat die Wiskunde-komponent van die toetse insluit.
• Jou toelating tot die Fakulteit Natuurwetenskappe is afhanklik van die beskikbaarheid van plekke per program of programstudievelde en die Fakulteit volg 'n keuringsproses ten einde die inskrywingsteikens te bereik.

Voldoening aan die minimum toelatingsvereistes van die program waarvoor jy aanosek doen, waarborg nie keuring vir jou gekose program nie. Die Fakulteit se keuringsbeleid en –prosedures is beskikbaar by www.maties.com Voldoening aan die minimum toelatingsvereistes van die program waarvoor jy aanosek doen, waarborg nie keuring vir jou gekose program nie. Die Fakulteit se keuringsbeleid en –prosedures is beskikbaar by www.maties.com http://www.sun.ac.za/afrikaans/maties/Pages/default.aspx

Daar is geen spesifieke program wat jou toegang tot ingenieurswese sal gee nie. Programme soos die BSc Wiskundige Wetenskappe, BSc Fisika of BSc Chemie is goeie opsies om te oorweeg as tweede keuse, wat kan lei tot loopbane wat nou geassosieer word met die ingenieursprofessie.

Ons bied 'n BSc Wiskundige Wetenskappe-program met 'n fokus in Rekenaarwetenskap aan, of selfs 'n fokus in Toegepaste Wiskunde wat ook Rekenaarwetenskap as hoofvak sal hê. Ons sal ook binnekort 'n BSc in Rekenaarwetenskap aanbied (onderhewig aan akkreditasie van die Suid-Afrikaanse Kwalifikasieowerheid, SAKO). Hou egter in gedagte dat hierdie programme hoogs wiskundig van aard is en dus baie goeie kennis en vaardigheid in Wiskunde verg.

Die BCom- en BSc-grade is beide drie jaar lange graadprogramme. Die BCom is meer handels/besigheidsgerig met sekere verpligte vakke in besigheid, terwyl die BSc-program meer fokus op Rekenaarwetenskap en sy toepassings in die natuurwetenskappe, soos Wiskunde, Fisika, Chemie, Aardwetenskap, en die biologiese wetenskappe soos Genetika en Biochemie. By voltooiing van hierdie grade, kan studente 'n honneursgraad in enige van hulle derdejaarshoofvakke doen.

Die Biodiversiteit en Ekologie (BDE)- program fokus op Plant- en Dierkunde en hulle interaksie. Hierdie BSc-program lei tot die honneursprogram in Biodiversiteit en Ekologie, wat kan lei tot 'n meestersgraad in Plantkunde of Dierkunde. In die voorgraadse program sal jy alle vorme van dierelewe bestudeer, van die baie klein ongewerweldes tot die grootste gewerweldes, hetsy op land of in die see. Gedurende die meestersgraadstudies kan jy fokus op die diere waarin jy belangstel. Vir meer inligting verwys na p 43 van die Fakulteit Natuurwetenskappe Jaarboek (Deel 5)  

http://www.sun.ac.za/afrikaans/Documents/Yearbooks/Current/2021-Science.pdf

Die grade verskil daarin dat die Biodiversiteit en Ekologie 'n drie jaar lange program is met die opsie van 'n honneursjaar, terwyl die BSc Bewaringsekologie 'n vier jaar lange graadprogram is. Die Biodiversiteit en Ekologie-program fokus op Plant- en Dierkunde en dit kan lei tot 'n honneurs met 'n keuse van fokus op een van die twee dissiplines. Daarna vertak dit in verdere studies in óf Plantkunde óf Dierkunde. Die BSc Bewaringsekologie fokus meer op bewaring en dit lei tot nagraadse studies in Bewaring.

Beide die BA en BSc Sportwetenskap is 'n drie jaar lange graadprogram wat lei tot 'n honneurs in Sportwetenskap. In die BA-opsie kan jy kies om Geografie, Sielkunde, Afrikaans of Engels as hoofvak te hê, terwyl jy in die BSc 'n vasgestelde kurrikulum volg met Fisiologie as hoofvak.

Normaaalweg fokus die BSc Sportwetenskap meer op die biologiese en fisiologiese aspekte van sportwetenskap. Die BA-program fokus meer op die sielkundige en sosiale aspekte van sportwetenskap.

Beide programme verleen toegang tot 'n honneursprogram in Biokinetika, of Sportwetenskap (Prestasiesport), of Sportwetenskap (Kinderkinetika).